مبارک گل عبوری اسپیکر مقرر، 21 اکتوبر کو اراکین اسمبلی کی حلف برداری ہوگی

سری نگر: جموں وکشمیر کے لیفٹیننٹ گورنر منوج سنہا نے جمعے کے روز نیشنل کانفرنس کے سینئر لیڈر اور عید گاہ سے رکن اسمبلی مبارک گل کو عبور ی اسپیکر مقرر کیا ہے۔
معلوم ہوا ہے کہ 21اکتوبر کو دوپہر دو بجے نو منتخب اراکین اسمبلی حلف اٹھائیں گے۔
ایل جی منوج سنہا کی طرف سے جاری کردہ ایک حکم نامے کے مطابق جموں وکشمیر تنظیم نو ایکٹ 2019کے سیکشن 24کے تحت مبارک گل کو عبوری اسپیکر مقرر کیا گیا ہے۔
حکم نامے میں مزید کہا گیا ہے کہ 21اکتوبر کو دوپہر دو بجے قانون ساز اسمبلی سری نگر میں نو منتخب اراکین حلف لیں گے۔