جموں وکشمیر میں روایتی جماعتوں نے لوگوں کے احساسات کو لوٹا ہے: سید الطاف بخاری

سری نگر: جموں وکشمیر اپنی پارٹی کے صدر سید الطاف بخاری کا کہنا ہے کہ جموں وکشمیر کی راویتی پارٹیوں نے لوگوں کے جذبات و احساسات کو لوٹا ہے۔انہوں نے کہا کہ بڈگام اسمبلی حلقے پر ان کی پارٹی پی ڈی پی کو نہیں بلکہ آغا سید منتظر کو حمایت کر رہی ہے۔
موصوف صدر نے ان باتوں کا اظہار جمعہ کے روز یہاں میڈیا کے ساتھ بات کرنے کے دوران کیا۔انہوں نے کہا: ‘روایتی پارٹیوں خواہ وہ بی جے پی ہے، پی ڈی پی کانگریس یا نیشنل کانفرنس ہے، نے جموں وکشمیر کے لوگوں کے لوٹا ہے،لوگوں کے احساسات اور جذبات کو لوٹا ہے’۔ان کا کہنا تھا: ‘مجھے ہندوستان اور پاکستان کے ساتھ کچھ نہیں ہے مجھے صرف کشمیر یاد ہے اور میں ان ہی کے لئے نکلا ہوں’۔
بڈگام اسمبلی حلقے پر ان کے امید وار کی طرف سے کاغذات نامزدگی واپس نکالنے پر مسٹر بخاری نے کہا: ‘اس سیٹ پر ہم پی ڈی پی کو نہیں بلکہ آغا سید منتظر کو حمایت کر رہے ہیں جو ایک مذہبی پیشوا کے فرزند ہیں’۔انہوں نے کہا:’ہمیں لوگوں کا اچھا رسپانس مل رہا ہے لوگوں کی توقعات ہمارے ساتھ وابستہ ہیں اور ہم ان توقعات پر کھرا اترنے کی کوشش کریں گے’۔