کراکس، : شمال مشرقی وینزویلا کی سکرےریاست میں سمندری طوفان بیرل کی وجہ سے کم از کم دو لوگوں کی موت، پانچ لاپتہ اور 25 ہزار لوگ متاثر ہوئے۔ وزیر داخلہ اور انصاف ریمیگیو سیبالوس نے منگل کو یہ اطلاع دی۔سیبلوس نے وینزویلا کے سرکاری ٹیلی ویژن کو بتایا "ہم کہہ سکتے ہیں کہ بدقسمتی سےاب تک دو افراد ہلاک اور پانچ لاپتہ ہیں، اور ہم زندہ بچ جانے والوں اور متاثرین کی تلاش کر رہے ہیں،” ۔
انہوں نے کہا کہ ہم بارش سے متاثر ہونے والے 25 ہزار لوگوں کی بات کر رہے ہیں۔دریں اثناء وینزویلا کے نائب صدر ڈیلسی روڈریگیز نے سوشل میڈیا کے ذریعے کہا کہ وزراء پر مشتمل ایک کمیشن صورتحال سے نمٹنے کے لیے سکرے جا رہا ہے۔
کوماناکوا، سکرے شہر طوفان بیرل کی وجہ سے سیلاب کی زد میں آ گیا ہے، جس کی وجہ سے علاقے کا دریائے منزاناریس ندی میں بھی طغیانی آگئی ہے۔
نیشنل انسٹی ٹیوٹ آف میٹرولوجی اینڈ ہائیڈرولوجی کی طرف سے صبح جاری کردہ رپورٹ کے مطابق، زمرہ 5 کے طوفان میں زیادہ سے زیادہ 270 کلومیٹر فی گھنٹہ کی رفتار سے ہوائیں چل رہی تھیں۔
یواین آئی
وینزویلا میں سمندری طوفان بیرل سے 2 افراد ہلاک، 5 لاپتہ added by ایشین میل on
View all posts by ایشین میل →