وادی کشمیرمیں موسم خشک اور گرم ہوچکا ہے اور محکمہ موسمیات کے مطابق گرمی کی شدت میں مزید اضافے کا امکان بھی ظاہر کیا ہے، ایسے میں ماہرین، صحت کا خاص خیال رکھنے کی ہدایات دی جارہی ہیں۔گرمی کی شدت سے پسینہ آنے کے باعث جسم میں نمکیات کی کمی ہوجاتی ہے اور گلوکوز کی سطح بھی کم ہوجاتی ہے جبکہ نظام ہضم کے درست طور پر کام نہ کرنے سے معدے کے مسائل بھی سامنے آنے لگتے ہیں۔موسم گرما میں ٹھنڈی غذاو¿ں کے ساتھ پانی اور جسم کو تسکین دینے والے مشروبات کا زیادہ سے زیادہ استعمال کرنا چاہیے۔لیمو اینٹی آکسائیڈنٹس سے بھرپور ہوتا ہے۔ اس میں فائبر اور کاربوہائیڈریٹ وافر مقدار میں پایا جاتا ہے۔ لیمو پانی جسم کو ترو تازگی اور توانائی بخشتا ہے۔
یہ جلد کو رونق بخشنے سے لے کر نظام ہضم کی بہتری، نزلہ زکام سے تحفظ اور گرمی میں موڈ کو خوشگوار رکھنے کے لیے بھی مفید ہے۔دہی میں معدنی طاقت موجود ہوتی ہے۔اس میں پروٹین، کیلشیئم، وٹامن اے، بی، سی اور ای ہوتا ہے، جو جسم میں تھکاوٹ، کمزوری اور نمکیات کی کمی کو دور کرتا ہے۔گرمیوں میں نمکین چھاچھ یا ٹھنڈی میٹھی لسی پینے سے جسم میں نمکیات کی کمی دور ہوجاتی ہے اور یہ گرمی کی شدت کم کرنے میں معاون ثابت ہوتی ہے۔ستو کا شربت موسم گرما میں فرحت بخش ہوتا ہے، اس میں فائبر موجود ہوتا ہے جو قبض کی شکایت اور پیٹ درد یا خرابی میں مفید ہے، ساتھ ہی اس میں جسم میں پانی کو کمی پوری کرنے کی صلاحیت بھی موجود ہوتی ہے۔گرمی کی سب سے بڑی سوغات گنے کا جوس ہے، جس میں گلوکوز سے لے کر کاربوہائیڈریٹ، میگنیشیئم اور کیلشیئم بھی پایا جاتا ہے۔
گرمی میں جب جسم نڈھال ہوجاتا ہے تو ایسی صورت میں ٹھنڈا ٹھنڈا گنے کا جوس انتہائی فرحت بخش ہوتا ہے۔ گنے کا جوس یرقان کے مرض کے خاتمے میں بھی مفید ثابت ہوتا ہے۔بازاروں میں اس کے علاوہ طرح کی ٹھنڈی مشروبات بھی دستیاب ہوتی ہیں جبکہ آئس کریم اور کھانے کی ٹھنڈی چیزیں بھی بازاروں کی رونق موسم گرما میں بنتی ہیں ۔تاہم بازاروں کی بجائے گھر میں تیار کی جانی والی مشروبات زیادہ تسکین بخش اور صحت مند ہوتی ہیں۔بازاروں میں اگر گھر میں ہی ٹھنڈی مشروبات کی تیار کی جائیں ،تو گھر یلو ماہانہ بجٹ بھی نہیں متاثر ہوگا اور صحت بھی متاثر نہیں ہوگی ۔بچوں کی زد میں اکثر والدین سے بازاروں میں دستیاب مشروبات خرید کر گھر لاتے ہیں ،جسکی وجہ سے بچوں کی صحت پر منفی اثرات مرتب ہوتے ہیں ۔بازاروں میں دستیاب طرح طرح کی ٹھنڈی مشروبات غیر صحت مند ہوتی ہیں ،ان میں طرح طرح کی ذائقے وا لے کیمیکلز استعمال کئے جاتے ہیں ۔ ایسی ٹھنڈی مشروبات تسکین دینے کی بجائے آپ کی صحت کو متاثر کرتی ہیں ۔ایسے میں گھر میں تیار کی جانے والی مشروبات کا استعمال ہی آپ کی صحت کے لئے صحیح ہے ۔
لیمو پانی گھر میں آسانی سے کیا جاسکتا ہے ،لسی اور چھاچھ بھی گھر میں تیار کیا جاسکتا ہے ۔تازہ پھل بازار سے خرید کر لائیں اور گھر میں ہی اُن کامشروبات تیار کرکے فرج میں رکھیں ۔بچوں کو بازاروں کی ٹھنڈی مشروبات اور آئس کریم کی بجائے گھر میں تیار کرنے والی مشروبات دیں ۔موجودہ مہنگائی کے دور میں گھر میں تیار کی جانی والی چیزیں آپ کے اخراجات کو کم کرنے میں مدد گار بھی ثابت ہوسکتی ہیں ۔آپ کی تھوڑی سی محنت ،آپ کو ہر لحاظ سے تسکین قلب کیساتھ ساتھ تسکین ترو تازہ بھی دے گی ۔
