لیفٹیننٹ گورنر کا جموں یونیورسٹی میں وائی ۔20 مشاورتی اجلاس سے خطاب

جموں:لیفٹیننٹ گورنر منوج سنہا نے آج جموں یونیورسٹی میں ”اَمن کی تعمیر اور مفاہمت: بغیرجنگ کے دور میں آغاز“ کے موضوع پر وائی ۔20مشاورتی اجلاس سے خطاب کیا۔
لیفٹیننٹ گورنر نے اَمن کی تعمیر میں نوجوان پودکے اہم کردار کو اُجاگر کرتے ہوئے نوجوانوں پر زور دیا کہ وہ مہاتما گاندھی اور سوامی وویکا نند کے نظریات پر عمل کریں تا کہ اعتماد اور باہمی احترام پر مبنی عالمی معاشرے کی تشکیل کی جا سکے ۔
اُنہوںنے کہا ” میں نوجوانوں کو شہریوں کی بھلائی کیلئے مفاہمت اور ایک نئی دنیا کو تشکیل دیتے ہوئے دیکھ رہا ہوں ۔ اِنفرادی اور سوسائٹی اسپریشن صرف امن حالات میں ہی پوری ہو سکتی ہے اور نوجوان پود پوری انسانیت کیلئے ایک پُر امن اور خوشحال مستقبل بنانے کیلئے بے چین ہے ۔ “
لیفٹیننٹ گورنر نے کہا کہ نوجوانوں کی ذمہ داری ہے کہ وہ اَپنی اِجتماعی طاقت کو انسانیت کی ترقی اور سربلندی کیلئے استعمال کریں ۔ اُنہوں نے مزید کہا کہ مشترکہ اقدار ، خواہشات اور بے لوث خدمت کے عزم سے نوجوان اَمن ، خوشحالی ، دوستی ، تعاون اور ترقی کے افق کو وسعت دیں گے ۔
اُنہوں نے اس بات پر زور دیا کہ وائی۔20 مشاورتی اجلاس کے دوران ہونے والی بات چیت کو مستقبل کے منصوبوں کا خاکہ تیار کرنا چاہئیے ۔
لیفٹیننٹ گورنر نے امن کی بحالی اورامن قائم کرنے میں ہندوستان کے تعاون پر بات کرتے ہوئے کہاکہ وزیر اعظم نریندر مودی جی کی قیادت میں ہندوستان سماجی ، سیاسی ، ایک زمین ، ایک کنبہ اور ایک مستقبل کے جذبے کے ساتھ اقتصادی اور ماحولیاتی سلامتی کے چیلنجوں کے وسیع تر پہلوو¿ں سے موثر طریقے سے نمٹنے کیلئے دنیا کی قیادت کرے گا ۔
اُنہوں نے کہا کہ ہندوستان اقوام متحدہ کے امن مشن میں دنیا کے سب سے بڑے تعاون کرنے والوں میں سے ایک ہے ۔ 1950 سے اب تک ہندوستانی فوجیوں نے مختلف ممالک میں 49 امن مشنوں میں حصہ لیا ہے اور آج بھی 8000 سے زیادہ فوجی اقوام متحدہ کے 10 مشنوں میں خدمات انجام دے رہے ہیں ۔ انہوں نے مزید کہا کہ یہ عالمی امن اور انسانی بہبود کیلئے ہمارے عزم کا ثبوت ہے ۔
لیفٹیننٹ گورنر نے یہ بھی کہا کہ علمی معیشت مستقبل میں ایک اہم رول ادا کرے گی اور سٹارٹ اپس اور یونی کارنز کی کامیابی ہندوستان کی ترقی کو نئی تحریک دے رہی ہے ۔
اُنہوں نے گزشتہ تین برسوں میں جموں کشمیر کی تبدیلی کے سفر کے بارے میں بھی بتایا۔
لیفٹیننٹ گورنر نے کہا ” آج جموں کشمیر اس سرزمین پر تہذیب لانے کی ایک قابل توجہ داستان کے طور پر ابھر رہا ہے جو کبھی دہشت گردی سے زخمی ہوا کرتی تھی ۔ اس نئے جموں کشمیر کے سب سے بڑے شراکت دارنوجوان ہیں ۔ “
اُنہوں نے کہا کہ لوگ بالخصوص نوجوان بے خوف ہو کر اپنے خوابوںکو پورا کرنے میں لگے ہوئے ہیں۔ اب معاشی ترقی ، اسپریشنل سوسائٹی کیلئے ایک اہم محرک اور بنیادی حقوق جیسے تعلیم ، ہیلتھ کیئر ، روز گار اور خوشی کا حصول تشدد کے یر غمال نہیں ہیں ۔اُنہوںنے مزید کہا کہ نوجوانوں کی طاقت جموں کشمیر کی طاقت ہے اور انہوں نے سماج کو از سر نو بحال کرنے اور جامع ترقی کو آگے بڑھانے کیلئے خود کو وقف کیا ہے ۔
لیفٹیننٹ گورنر نے کہا کہ وزیر اعظم نریندر مودی جی کی قیادت میں جموں کو ہندوستان کے تعلیمی مرکز میں تبدیل کیاگیا ہے اس میں تمام اہم ادارے آئی آئی ایم ، آئی آئی ٹی، اے آئی آئی ایم ایس ، ، آئی آئی ایم سی اور سینٹرل یونیورسٹی موجود ہیں ۔
وائس چانسلر جموں یونیورسٹی پروفیسر امیش رائے اورکنوینئر وائی ۔20سیکرٹریٹ اجے کشپ کنوینئر نے وائی ۔20مشاورتی اجلاس کا مختصر پس منظر پیش کیا ۔
مشاورتی اجلاس وائی ۔20میں ہندوستان کے مختلف ممالک اور یونیورسٹیوں کے مندوبین اور نوجوانوں کے نمائندوں نے شرکت کی ۔