نئی دہلی/ بین الاقوامی سطح پر خام تیل کی قیمت 90 ڈالر سے نیچے گرنے کے باوجود پٹرول اور ڈیزل کی قیمتوں میں آج مسلسل 89ویں دن کوئی تبدیلی نہیں ہوئی۔
مرکزی حکومت کے ذریعہ پٹرول اور ڈیزل پر ایکسائز ڈیوٹی میں بالترتیب 5 روپے اور 10 روپے کی کمی کا اعلان کرنے کے بعد ایندھن کی قیمتوں میں 04 نومبر 2021 کو تیزی سے کمی کی گئی ۔ اس کے بعد ریاستی حکومت کے ویلیو ایڈڈ ٹیکس (ویٹ ) کو کم کرنے کے فیصلے کے بعد دارالحکومت دہلی میں بھی ویٹ کو کم کرنے کا فیصلہ کیا گیا۔ اس کے بعد دارالحکومت میں 02 دسمبر 2021 کو پٹرول تقریباً آٹھ روپے سستا ہو گیا۔ تاہم ڈیزل کی قیمتوں میں کوئی تبدیلی نہیں ہوئی۔
ہفتے کے دوسرے روز سنگاپور میں آج لندن برینٹ کروڈ کی قیمت 0.46 فیصد اضافے کے ساتھ 89.67 ڈالر فی بیرل اور یو ایس کروڈ 0.39 فیصد اضافے کے ساتھ 88.49 ڈالر فی بیرل پر فروخت کر رہا ہے۔
مرکز کے ذریعہ ایکسائز ڈیوٹی میں کمی کئے جانے کے بعد زیادہ تر ریاستی حکومتوں اور مرکز کے زیر انتظام علاقوں نے بھی پٹرول اور ڈیزل پر ویلیو ایڈڈ ٹیکس (ویٹ ) کو کم کر دیا تھا ، جس سے عام آدمی کو بڑی راحت ملی تھی۔
پیٹرول اور ڈیزل کی قیمتوں کا روزانہ جائزہ لیا جاتا ہے اور اس کی بنیاد پر نئی قیمتیں روزانہ صبح 6 بجے سے لاگو ہوتی ہیں۔
آج ملک کے چار بڑے شہروں میں پٹرول اور ڈیزل کی قیمتیں کچھ یوں رہیں۔
شہر ……….پیٹرول……….ڈیزل (روپے فی لیٹر)
دہلی …………95.41……… 86.67
کولکاتہ ……104.67…….89.79
ممبئی …………109.98………94.14
چنئی …………… 101.40 ………. 91.43
یواین آئی
