نئی دہلی ، 5 جولائی (یو این آئی) ملک میں کورونا وائرس (کووڈ ۔19) کےکم ہوتے معاملات کے درمیان ، پچھلے 24 گھنٹوں کے دوران انفیکشن کے 40 ہزار سے بھی کم نئے معاملات رپورٹ ہوئے ہیں ، جو 19 مارچ کے بعد ایک دن میں درج ہونے والے میں کم سے کم تعداد ہے۔

دریں اثنا اتوار کو 14 لاکھ 81 ہزار 583 افراد کو کورونا کے ٹیکے لگائے گئے۔ ملک میں اب تک 35 کروڑ 28 لاکھ 92 ہزار 046 افراد کو ٹیکے لگائے جاچکے ہیں۔

مرکزی وزارت صحت کی جانب سے پیر کی صبح جاری کردہ اعداد و شمار کے مطابق ، گذشتہ 24 گھنٹوں میں کورونا کے 39،796 نئے کیسز کی آمد کے ساتھ ہی ، متاثرہ افراد کی تعداد بڑھ کر تین کروڑ پانچ لاکھ 85 ہزار 229 ہوگئی ہے۔ اس دوران ، 42 ہزار352 مریضوں کی صحت یابی کے بعد ، اس وبا کو شکست دینے والے افراد کی کل تعداد دو کروڑ 97 لاکھ 430 ہوگئی ہے۔ فعال کیسز 3،279 کم ہوکر 4 لاکھ 82 ہزار 071 رہ گئے ہیں۔ اسی عرصے میں 723 مریضوں کی ہلاکت کی وجہ سے اموات کی تعداد چار لاکھ دو ہزار 728 ہوگئی ہے۔

ملک میں سرگرم کیسوں کی شرح کم ہوکر 1.58 فیصد ، بحالی کی شرح 97.11 فیصد اور اموات کی شرح 1.32 ہوگئی ہے۔گذشتہ 24 گھنٹوں میں فعال معاملات میں 5،652 اضافے کے بعد مہاراشٹر میں ، یہ تعداد بڑھ کر 1،26،454 ہوگئی ہے۔ دریں اثنا ، ریاست میں 3378 مریضوں کی شفا یابی کے بعد ، کورونا فری لوگوں کی تعداد 58،48،693 ہوگئی ہے جبکہ 306 مریضوں کی موت کی وجہ سے مرنے والوں کی تعداد 1،23،030 ہوگئی ہے۔

کیرالہ میں ، اس عرصے کے دوران فعال معاملات 473 سے بڑھ کر 104508 ہوچکے ہیں اور 11551 مریضوں کی شفا یابی کی وجہ سے ، کورونا کو شکست دینے والے افراد کی تعداد بڑھ کر 2855460 ہوگئی ہے ، جبکہ مزید 76 افراد کی ہلاکت کی وجہ سے اموات کی تعداد 13716 ہوگئی ہے۔

یو این آئی