شمالی کشمیر کے ضلع بانڈی پورہ میں عدم شناخت لاش بر آمد

سری نگر، 6 مارچ:  شمالی کشمیر کے ضلع بانڈی پورہ کے پانر گاؤں میں ہفتے کی صبح اس وقت ہر سو سراسیمگی پھیل گئی جب گاؤں میں ایک عدم شناخت لاش کو دیکھا گیا۔
سرکاری ذرائع نے بتایا کہ بانڈی پورہ کے پانر گاؤں کے کچھ لوگوں نے ہفتے کی صبح ایک لاش دیکھی اور فوراً اس کے متعلق پولیس کو مطلع کیا۔
انہوں نے بتایا کہ ابتدائی تحقیقات سے معلوم ہوا کہ متوفی ایک ذہنی طور معذور شخص ہے جو علاقے میں گذشتہ شام سے گھوم رہا تھا۔
ان کا مزید کہنا تھا کہ متوفی کی شناخت اور موت واقع ہونے کی وجوہات ابھی معلوم نہیں ہوسکی ہے۔
مذکورہ ذرائع نے بتایا کہ پولیس نے قانونی و طبی لوازمات کی ادائیگی کے لئے لاش کو اپنی تحویل میں لے لیا ہے۔
دریں اثنا لاش کی موجودگی کی خبر پھیلتے ہی گاؤں میں ہر سو سراسیمگی پھیل گئی اور لوگوں کو جائے مقام کی طرف دوڑتے ہوئے دیکھا گیا۔
یو این آئی۔