واشنگٹن 3 مارچ : امریکی سینیٹ نے ملک کے آئندہ وزیر تجارت کے لئے جینا رایموندو کے نام کی تصدیق کردی ہے۔
امریکی صدر جو بائیڈن نے وزیر تجارت کے عہدے کے لئے محترمہ رایموندو کا نام تجویز کیا تھا جس پر سینیٹ میں ووٹنگ ہوئی ۔ سینیٹ کے 84 ممبران نے محترمہ رایموندو کے نام کی حمایت کی جبکہ صرف 15 ممبران نے ہی ان کے نام کی مخالفت کی۔
محترمہ رایموندو اس وقت ریاست روڈ جزیرہ کی گورنر ہیں اور نیا عہدہ حاصل کرنے کے لئے انہیں گورنر کے عہدے سے استعفیٰ دینا ہوگا۔ محترمہ رایموندو ڈیموکریٹک گورنرز ایسوسی ایشن کی سربراہ بھی رہ چکی ہیں۔ امریکہ کے نئے وزیر تجارت کی حلف برداری بدھ کے روز ہونے کی توقع ہے ۔
یو این آئی۔