پلوامہ میں جنگجوؤں کی کسی کمین گاہ کو تباہ نہیں کیا گیا
سری نگر/جموں وکشمیر پولیس نے سوشل میڈیا کے ذریعے بے بنیاد خبریں پھیلانے والوں کو ایک بار پھر خبر دار کرتے ہوئے کہا ہے کہ جنوبی کشمیر کے ضلع پلوامہ کے کھریو علاقے میں جنگجوؤں کی کسی کمین گاہ کو تباہ نہیں کیا گیا۔
ایک پولیس ترجمان نے جمعرات کے روز بتایا کہ کچھ وٹس ایپ نیوز گروپس ضلع پلوامہ کے کھریو علاقے میں جنگجوؤں کے ایک کمین گاہ کو تبادہ کرنے کی بی بنیاد خبریں پھیلا رہے ہیں۔
انہوں نے کہا کہ ایسا کوئی بھی واقعہ رونما نہیں ہوا ہے۔موصوف ترجمان نے سوشل میڈیا پر بے بنیاد خبریں پھیلانے والوں کو ایک بار پھر خبر دار کرتے ہوئے کہا کہ ان لوگوں کے خلاف تحت قانون کارروائی عمل میں لائی جائے گی۔
