بلندشهر، : اترپردیش میں بلندشهر کے شکارپور اور کوتوالی دیہات علاقے میں پولیس تصادم میں 25-25 ہزار روپے کے دو انعامی بدمعاش زخمی ہو گئے، جنہیں گرفتار کر لیا ہے جبکہ ان کے دو ساتھی فرار ہونے میں کامیاب۔ سینئر پولیس سپرنٹنڈنٹ این كولانچی نے جمعہ کو یہاں یہ اطلاع دی ۔ انہوں نے بتایا کہ جمعرات دیر رات کوتوالی دیہات انچارج اروند کمار نے اطلاع موصول ہونے پر موٹر سائیکل سوار دو بدمعاشوں کو گھیر لیا ۔ تصادم میں موٹر سائیکل سوار 25 ہزار کا انعامی بدمعاش لوکیش زخمی ہو گیا، جس کو گرفتار کر لیا گیا جبکہ اس کا ساتھی فرار ہونے میں کامیاب رہا ۔ لوکیش شکارپور علاقے کے تایاب پو ر کا رہنے والا ہے ۔ انہوں نے بتایا کہ اس کے علاوہ آدھی رات کے بعد شکارپور علاقے میں پولیس تصادم کے دوران 25 ہزار کا انعامی عارف زخمی ہو گیا، جسے گرفتار کر لیا ۔ اس واقعہ میں ایک پولیس افسر بھی زخمی ہو گیا ہے ۔ زخمی بدمعاشوں اور پولیس اہلکار کو اسپتال میں داخل کرا دیا گیا ہے ۔ انہوں نے بتایا کہ عارف امروہہ کے حسن پور علاقے کے گام منگلور کا رہنا والا ہے۔عارف اور لوكش کے خلاف تقریبا12 سے زائد سنگین معاملے درج ہیں ۔ ان گرفتاری پر 25-25 ہزار روپے کا انعام کا اعلان تھا ۔ ایس ایس پی نے بتایا کہ پولیس کو کافی عرصے سے ان بدمعاشوں کی تلاش تھی ۔ بدمعاشوں کے قبضے سے تمچے اور کارتوس برآمد کئے گئے ہیں ۔ انہوں نے بتایا کہ تصادم کے دوران ان بدمعاشوں کے دو ساتھی بھاگ گئے، جن تلاش کی جا رہی ہے ۔ انہوں نے بتایا کہ لوکیش اور عارف ضلع میں کسی بڑی واردات کو انجام دینے جا رہے تھے اور اس کے پہلے ہی تصادم میں انہیں پکڑ لیا گیا ۔
یواین آئی ۔
