پیرس، : فرانس میں حکومت کی پالیسیوں کے خلاف مہم کے 30 ویں ہفتے ہفتہ تقریباً 10،300 فراد یلو ویسٹ ریلی میں شامل ہوئے۔
بی ایف ایم ٹی وی چینل نے ہفتہ کو فرانس کی وزارت داخلہ کا حوالہ دیتے ہوئے یہ رپورٹ دی۔رپورٹ میں کہا گیا کہ تقریبا 1،100 کارکن صرف پیرس میں آج کی ریلیوں میں شامل ہوئے۔
جنوبی فرانسیسی شہر مونٹ پلیئر میں پہلے دن احتجاجی مظاہروں میں تقریبا 2،000 مظاہرین اکٹھا ہوئے جبکہ منتظمین نے دعویٰ کیا کہ حقیقی اعداد و شمار تقریبا 5،000 تھا۔
ریلیوں کے دوران پولیس نے آنسو گیس کے گولے داغے اور پانی کی بوچھار کی کیونکہ مظاہرین نے دکان کی کھڑکیوں کو توڑنا شروع کر دیاتھا، ایک ٹرام اسٹاپ کو نقصان پہنچایا، گتے کے ڈبوں میں آگ لگا دی اور کچھ مظاہرین نے پتھراؤ کیا۔ رپورٹ کے مطابق پولیس نے سات افراد کو حراست میں لیا ہے۔
ایندھن ٹیکس میں اضافہ کی حکومت کی اسکیموں کے خلاف نومبر کے وسط میں ’یلو ویسٹ‘ ریلیاں شروع ہوئیں. اگرچہ فرانس کے حکام نے ایندھن ٹیکس بڑھانے کی اپنی اسکیم کو چھوڑ دیا ہے اور ملک کی سماجی و اقتصادی صورت حال کو بہتر بنانے کے لئے دیگر اقدامات کی شروعات کی ہے، اس کے باوجود حکومت کی پالیسیوں پر وسیع پیمانہ پر عدم اطمینان کا اظہار کرنے کے لئے مظاہرین ہر ہفتے فرانس کی سڑکوں پر اتر آتے ہیں۔
اسپوتنک،
