بھوپال، : مدھیہ پردیش کے وزیر اعلی کمل ناتھ نے وزیر اعظم نریندر مودی کی نکتہ چینی کرتے ہوئے آج کہا کہ انہیں واضح کرنا چاہئے کہ آنجہانی اٹل بہاری واجپئی کے علاوہ سینئر بی جے پی لیڈر لال کرشن اڈوانی اور مسٹر مرلي منوهر جوشی جیسے لیڈروں کو انہوں نے بھلا دیا ہے یا گھر بیٹھا دیا ہے۔مسٹر کمل ناتھ نے ٹویٹ کے ذریعے کہا کہ ہماری پارٹی آج بھی سبھی آنجہانی اور سینئر لیڈروں کا احترام کرتی ہے، ہم نے انہیں کبھی نہیں بھلایا۔ لیکن آپ نے (مسٹر مودی) تو اپنی پارٹی کو ’ٹو مین‘ پارٹی بنا دیا ہے۔
مسٹر کمل ناتھ نے مسٹر مودی سے مخاطب ہوتے ہوئے لکھا ہے کہ آنجہانی راجیو گاندھی نے ملک کے لئے شہادت دی ہے، ملک کی تعمیر و ترقی میں ان کا اہم تعاون ہے ۔ہم ہمیشہ ان کے نام اور ان کی خدمات کے بنیاد پر ہی الیکشن لڑتے ہیں۔ لیکن کیا آپ کی پارٹی میں ایک بھی ایسا لیڈر ہے جس نے ملک کے لئے شہادت دی ہو، جس کے نام پر آپ کی پارٹی الیکشن لڑ سکتی ہو۔ واضح رہے کہ مسٹر مودی نے سابق وزیر اعظم راجیو گاندھی کے متعلق بیان دیا اور کانگریس کو چیلنج کیا ہے۔ مسٹر کمل ناتھ کی ٹویٹس اسی تناظر میں دیکھے جا رہے ہیں۔
یواین آئی ۔
