سرینگر؛؛؛لیکس اینڈ واٹر وئیز ڈیولپمنٹ اتھارٹی (لائوڈا) نےگرین بلیٹ کے حدود میں غیر قانونی تعمیرات کھڑی کرنے والے افراد کے خلاف کارروائی عمل میں لائی ،جس دوران کئی مقامات پر پانچ ڈاھنچے مسمار کئے گئے ۔
اس ضمن لائوڈ کے انفورس منٹ ونگ کے ترجمان نے ایشین میل کو بتا یا کہ انہدامی کارروائی کے دوران منگل کو جوگی ون امدا کدل،حبک این ایف آ اور ڈل نہرو پارک میں پانچ غیر قانونی طور کھڑی کی گئی ےتجاویزات کو منہدم کردیا گیا ۔
انہوں نے کہا کہ یہ کارروائی عدالت عالیہ جموں وکشمیر کے احکامات کے تحت عمل میں لائی گئی ،کیونکہ مذکورہ تجاویزات غیر قانونی طور اور عدالتی احکامات کی خلاف ورزی کی پاداش میں کھڑی کی گئی تھیں ۔
لائوڈ کے ترجمان نے بتایا کہ اس انہدامی کارروائی کے دوران لائوڈا کی انہدامی ٹیموں کو عوامی مزاحمت کا بھی سامنا کرنا پرا ،تاہم انہدامی ٹیمیں کارروائی کرنے میں کامیاب رہیں ۔
ان کا کہناتھا کہ مستقبل قریب میں بھی جھیل ڈل اور گرین بلیٹ میں غیر قانونی تجاویزات کھڑی کرنے والے مرتکب افراد کے خلاف کارروائی جاری رہے گی۔
