واشنگٹن ، 30 مارچ : امریکہ کے صدر ڈونالڈ ٹرمپ نے گزشتہ روز کہا کہ وہ آئندہ کچھ عرصے میں وینزویلا بحران کے سلسلے میں روس کے صدر ولادیمیر پوتن سے بات چیت کر سکتے ہیں۔
مسٹر ٹرمپ نے صحافیوں کی طرف سے وینزویلا کی صورتحال پر روس کے صدر کے ساتھ مذاکرات کےسلسلے میں پوچھے گئے سوال کا جواب دیتے ہوئے کہا’’ہم کچھ مسائل پر مذاکرات کرتے رہیں گے۔ شاید صدر پوتن ، صدر شی جن پنگ کے ساتھ مذاکرات کر سکتے ہیں‘‘۔
انہوں نے کہا کہ موجودہ وقت میں وینزویلا کے حالات نازک ہیں ۔ وہاں بجلی اور پٹرول کی کمی ہے۔
قابل ذکر ہے کہ امریکہ نے خود کو عبوری صدر کا اعلان کرنے والے جوآن گوائیڈوکو صدر کے طور پر تسلیم کیا ہے اور حقیقی صدر نکولس مادرو کو عہدہ چھوڑنے کے لیے کہا ہے۔
ادھر روس، چین، ترکی، بولیویا اور کئی دیگر ممالک نے مسٹر مادرو کی حمایت کی ہے۔
اسپوتنک
