بڈگام،: ضلع انتظامیہ بڈگام نے جموں وکشمیر پولیس کے اشتراک سے منشیات کے خلاف جاری مہم کے تحت خانصاحب سب ڈویژن کے پار نیوا اور آریگام علاقوں میں مبینہ منشیات فروشوں سے منسلک چار غیر قانونی املاک کو مسمار کر دیا۔
سرکاری حکام کے مطابق کارروائی ریونیو اور پولیس افسران کی موجودگی میں انجام دی گئی، جس کے دوران تین ڈھانچوں کو منہدم کیا گیا جن میں چار دکانیں، ایک مویشی خانہ اور ایک ٹائل فیکٹری شامل تھی۔ حکام کا کہنا ہے کہ یہ املاک مبینہ طور پر منشیات کی اسمگلنگ اور فروخت میں ملوث افراد سے وابستہ تھیں۔
انتظامیہ کے مطابق یہ کارروائی ضلع میں منشیات کے کاروبار کے خلاف جاری وسیع مہم کا حصہ ہے، جس کا مقصد منشیات سے وابستہ غیر قانونی اثاثوں کا خاتمہ اور معاشرے میں منشیات کے پھیلاؤ پر قابو پانا ہے۔
ضلع انتظامیہ نے واضح کیا کہ منشیات فروشوں کے خلاف مشترکہ کارروائیاں آئندہ بھی جاری رہیں گی اور غیر قانونی منشیات کے کاروبار سے منسلک املاک کے خلاف قانون کے مطابق سخت اقدامات کیے جائیں گے۔
