ماسکو: روس کا ایک انٹونوو-26 فوجی طیارہ جزیرہ نما کریمیا کے اوپر پرواز کرتے ہوئے گر کر تباہ ہو گیا، جس میں 29 افراد ہلاک ہو گئے۔
روس کی وزارت دفاع نے کہا کہ "31 مارچ کو ماسکو کے وقت کے مطابق تقریباً 18:00 بجے، اے این-26 ملٹری ٹرانسپورٹ طیارے سے اس وقت رابطہ منقطع ہو گیا جب وہ جزیرہ نما کریمیا کے اوپر سے طے شدہ پرواز کر رہا تھا۔
روسی خبر رساں ادارے تاس کے مطابق وزارت نے کہا تلاش اور بچاؤ کی ٹیم نے اے این-26 طیارے کے حادثے کی جگہ کا پتہ لگا لیا ہے۔ جائے وقوع سے ملنے والی اطلاعات کے مطابق جہاز میں سوار عملے کے چھ ارکان اور 23 مسافر ہلاک ہو گئے۔
روسی خبر رساں اداے کے مطابق، طیارے کے ملبے پر بیرونی حملے کا کوئی نشان نہیں ملا ہے، جس سے اشارہ ملتا ہے کہ یہ طیارہ ممکنہ طور پر تکنیکی خرابی کے باعث حادثے کا شکار ہوا۔
