جموں،: بارڈر سیکورٹی فورس (بی ایس ایف) کے مستعدد اور الرٹ اہلکاروں نے یہاں آر ایس پورہ سیکٹر میں بین الاقوامی سرحد (آئی بی) کے نزدیک ایک پاکستانی درانداز کو گرفتار کیا ہے۔
حکام نے بتایا کہ بی ایس ایف جوانوں نے اتوار کی شام آر ایس پورہ سیکٹر میں بین الاقوامی سرحد کے نزدیک ایک پاکستانی در انداز کو گرفتار کیا جب وہ سرحد پار کرکے اس طرف آنے کی کوشش کر رہا تھا۔
انہوں نے بتایا کہ اس کی تحویل سے کوئی قابل اعتراض چیز بر آمد نہیں ہوئی ہے اور اس کو مزید پوچھ تاچھ کے لئے پولیس اسٹیشن منتقل کیا گیا ہے۔
ان کا کہنا ہے کہ اس ضمن میں مزید تفصیلات کا انتظار ہے۔
