جموں،: وزیر داخلہ امیت شاہ جموں میں حالیہ سیلاب سے متاثرہ علاقوں کا جائزہ لے رہے ہیں۔جموں وکشمیر کے لیفٹیننٹ گورنر منوج سنہا، وزیر اعلیٰ عمر عبداللہ، جموں و کشمیر اسمبلی میں لیڈر آف اپوزیشن سنیل شرما اور سول انتظامیہ کے اعلیٰ افسران ان کے ہمراہ ہیں۔
وزیر داخلہ قریب 11 بجے راج بھون سے روانہ ہوئے اور انہوں نے آغاز میں وکرم چوک اور توی برج کا دورہ کرکے وہاں سیلاب سے ہوئی تباہی کا تفصیلی جائزہ لیا۔ذرائع کے مطابق وہ جموں صوبے میں سیلاب سے سب سے زیادہ متاثرہ علاقوں کا فضائی معائنہ کریں گے اور متاثرہ کنبوں سے براہ راست ملاقات کر کے زمینی صورتحال کا جائزہ لیں گے۔
انہوں نے کہا کہ وہ کٹرہ میں شری ماتا ویشنو دیوی بیس کیمپ اور کشتواڑ کا بھی دورہ کریں گے جہاں حالیہ بادل پھٹنے اور لینڈ سلائیڈنگ کے نتیجے میں کافی جانی و مالی نقصان ہوا تھا۔وزیر داخلہ اتوار کی شام جموں پہنچے تھے۔
