سری نگر،: وادی کشمیر ملک کے باقی حصوں کے ساتھ جوڑنے والی سری نگر – جموں قومی شاہراہ پر جمعہ کو ٹریفک کی نقل وحمل مسلسل چوتھے دن بھی بند ہے۔
حکام نے لوگوں سے کہا ہے کہ اس قومی شاہراہ پر بحالی کا کام مکمل ہونے تک سفر نہ کریں اور افواہوں پر کان نہ دھریں۔
ادھر جنوبی کشمیر کے ضلع شوپیاں کو صوبہ جموں کے راجوری اور پونچھ اضلاع کے ساتھ جوڑنے مغل روڈ اور وادی کو لداخ یونین ٹریٹری کے ساتھ جوڑنے والی سری نگر – لیہہ شاہراہ پر ٹریفک کی نقل و حمل حسب ایڈوائزری جاری ہے۔
واضح رہے کہ شدید بارشوں کے نتیجے میں کئی مقامات پرمٹی کے تودے گر آنے کی وجہ سے قومی شاہراہ پر منگل کے روز ٹریفک کی نقل و حمل روک دی گئی تھی۔
ٹریفک حکام نے بتایا کہ جکھانی اور چننی کے درمیان کئی مقامات پر نقصان ہونے کی وجہ سے قومی شاہراہ پر ٹریفک کی نقل و حمل بند ہے۔
انہوں نے لوگوں سے کہا ہے کہ اس قومی شاہراہ پر بحالی کا کام مکمل ہونے تک سفر نہ کریں اور افواہوں پر کان نہ دھریں۔
حکام نے بتایا کہ جنوبی کشمیر کے ضلع شوپیاں کو صوبہ جموں کے راجوری اور پونچھ اضلاع کے ساتھ جوڑنے مغل روڈ اور وادی کو لداخ یونین ٹریٹری کے ساتھ جوڑنے والی سری نگر – لیہہ شاہراہ پر ٹریفک کی نقل و حمل حسب ایڈوائزری جاری ہے۔
انہوں نے کہا کہ سنتھن روڈ پر صرف چھوٹی گاڑیوں کو چلنے کی اجازت ہے۔اہلیان وادی کا کہنا ہے کہ قومی شاہراہ کے بند ہونے سے وادی میں اشیائے ضروریہ بالخصوص خورد و نوش میں یکایک اضافہ ہوجاتا ہے جس سے عام لوگوں کے مشکلات میں مزید بڑھ جاتے ہیں۔
یو این آئی
