سری نگر: جموں وکشمیر بورڈ آف سکول ایجوکیشن (جے کے بی او ایس ای) نے 27 اگست یعنی بدھ کو ہونے والے 10 ویں اور 11 ویں جماعتوں کے امتحانات ملتوی کرنے کا اعلان کر دیا۔
یہ اعلان جموں وکشمیر میں جاری ناساز گار موسمی صورتحال کے پیش نظر کیا گیا۔
بورڈ کی طرف سے جاری ایک پیغام میں کہا گیا کہ 27 اگست 2025 کو ہونے والے 10 ویں اور 11 ویں جماعتوں کے تمام امتحانات ملتوی کر دیے گئے ہیں۔
انہوں نے کہا کہ ان پرچوں کے امتحانات کی نئی تاریخوں کا اعلان الگ سے کیا جائے گا۔
حکام نے طلباء کو مشورہ دیا ہے کہ وہ کسی بھی پریشانی سے بچنے کے لیے سرکاری اعلانات کے ذریعے اپ ڈیٹ رہیں۔
