ہفتہ, مئی ۱۰, ۲۰۲۵
26.4 C
Srinagar

عمر عبداللہ کا جموں کے ریہاری اور روپ نگرعلاقوں کا دورہ، گولہ باری سے ہوئے نقصان کا لیا جائزہ

جموں: جموں و کشمیر کے وزیر اعلیٰ عمر عبداللہ نے ہفتے کی صبح جموں کے ریہاری اور روپ نگر علاقوں کا دورہ کرکے وہاں حالیہ گولہ باری سے ہوئے نقصان کا جائزہ لیا۔عمر عبداللہ نے ان علاقوں کا دورہ کرنے کے وہاں ہونے والی تباہی کا جائزہ لینے کے ساتھ ساتھ متاثرین کے ساتھ بات چیت بھی کی۔
اس دوران ناصر اسلم وانی جو ان کے مشیر ہیں، بھی وزیر اعلیٰ کے ساتھ تھے۔انہوں نے ‘ایکس’ پر ایک پوسٹ میں کہا: ‘حالیہ گولہ باری سے ہونے والے نقصان کا جائزہ لینے کے لیے آج جموں میں ریہاڑی اور روپ نگر کا دورہ کیا’انہوں نے کہا: ‘ رہائشیوں کو درپیش تکلیف گہری تشویش کا باعث ہے۔ ہم ہر متاثرہ خاندان کے ساتھ کھڑے ہیں اور اس بات کو یقینی بنائیں گے کہ تمام ضروری مدد بلا تاخیر فراہم کی جائے’۔ہفتے کی صبح جموں شہر میں دھماکوں کی گرج دار آوزیں سنی گئیں۔

حکام نے بتایا کہ پاکستان نے جموں شہر پر ڈورن اور میزائلوں سے حملہ کیا ہے اور ان علاقوں کو نشانہ بنا دیا گیا ہے جو فوجی تنصیبات کے نزدیک واقع ہیں۔ذرائع نے بتایا کہ گولہ باری سے رہاری کالونی، نگروٹہ، نہرو مارکیٹ اور روپ نگر علاقوں میں رہائشی مکانوں اور دیگر تعمیراتی ڈھانچوں کو نقصان پہنچا ہے۔قابل ذکر ہے کہ 22 اپریل کو ہوئے پہلگام دہشت گردانہ حملے کے بعد ہندوستان اور پاکستان کے درمیان کشیدگی بڑھ گئی جو ہر گذرتے دن کے سے پیچیدہ تر ہوتی جا رہی ہے۔

Popular Categories

spot_imgspot_img