ایک بار پھر طالبات نے بازی مار لی، پہلی پوزیشن حاصل کی
سرینگر، : جموں و کشمیر بورڈ آف اسکول ایجوکیشن نے بدھ کو جماعت 12ویں کے سالانہ امتحانات کے نتائج کا اعلان کیا، جس میں مجموعی کامیابی کی شرح 75 فیصد رہی۔
خبر رساں ایجنسی کشمیر نیوز آبزرور کے مطابق ایک بار پھر طالبات نے طلبہ کو پیچھے چھوڑ دیا ہے۔ایک اعلیٰ عہدیدار نے بتایا کہ اس سال بھی ایک طالبہ نے پہلی پوزیشن حاصل کی ہے۔بورڈ آف اسکول ایجوکیشن (BOSE) کا کہنا ہے کہ کامیابی کا مجموعی تناسب طلبہ میں 72 فیصد جبکہ طالبات میں 78 فیصد رہا۔
بورڈ نے یہ بھی بتایا کہ ان امتحانات کے لیے کل 1,03,308 امیدواروں نے رجسٹریشن کروایا تھا، جن میں سے 77,311 نے کامیابی حاصل کی، جبکہ 970 طلبہ ناکام رہے۔ — (کے این او)
