ڈاک بنگلہ میں عوامی وفود سے ملاقات ،اسٹیک ہولڈرز کے مابین ہم آہنگی پر زور دیا
اودھمپور/وزیر برائے فوڈٖ ، سول سپلائیز و امور صارفین ، سائنس اینڈ ٹیکنالوجی مسٹر ستیش شرما نے آج یہاں کانفرنس ہال ڈی سی آفس کمپلیکس اودھمپور میں مختلف ترقیاتی منصوبوں اور پرچم بردار اسکیموں کی پیش رفت کا جائیزہ لینے کیلئے ایک اعلیٰ سطحی میٹنگ کی صدارت کی ۔ میٹنگ میں ڈی ڈی سی چئیر پرسن اودھمپور لال چند ، ایم ایل اے چنینی بلونت سنگھ منکوٹیہ ، ایم ایل اے رام نگر سنیل بھاردواج ، ایم ایل اے اودھمپور ایسٹ رنبیر سنگھ پٹھانیہ ، وائس چئیر پرسن ڈی ڈی سی جوہی منہاس پٹھانیہ ، ڈپٹی کمشنر اودھمپور ، ایس ایس پی اودھمپور ، ڈویژنل اور مختلف محکموں کے ضلعی سربراہان نے شرکت کی ۔
وزیر نے تمام شعبوں کا ایک جامع جائیزہ لیا اور ہدایت دی کہ تمام سرکاری اسکیموں کے تحت اہل فایدہ اٹھانے والوں صد فیصد کوریج کو یقینی بنائیں ۔ انہوں نے عوامی آگاہی کے اقدامات کی ضرورت پر زور دیا تا کہ لوگ ان اسکیموں سے فوائد اٹھا سکیں ۔ وزیر نے افسران کو مزید ہدایات دیں کہ وہ ضلع میں پرچم بردار اسکیموں اور پروگراموں کے بارے میں عوامی شعور اجاگر کریں ۔ انہوں نے متعلقہ افسران کو حکومت کی تمام اسکیموں کے موثر نفاذ کیلئے وسائل اور افرادی قوت کو متحرک کرنے کی ہدایت دی ۔ وزیر نے محکمہ صحت میں مریضوں کو بہتر طبی سہولیات فراہم کرنے کیلئے متعلقہ افسران کو ہدایت دی جبکہ چیف چیف ایگریکلچر آفیسر کو ہدایت دی گئی کہ وہ ایچ اے ڈی پی اور کسانوں پر مبنی دیگر اسکیموں پر آگاہی کیمپ منعقد کریں ۔ میٹنگ کے دوران مقامی ایم ایل اے نے متعدد خدشات اور تقاضوں پر روشنی ڈالی ۔ اس سے قبل ڈی سی اودھمپور نے مختلف جاری منصوبوں اور اسکیموں پر سیکٹر وار تفصیلی پاور پوائینٹ پریذنٹیشن دی ۔ اس سے قبل وزیر نے اسپورٹس سٹیڈیم اودھمپور میں جاری پویلین تعمیراتی کام کا معائینہ کیا اور انڈور اسپورٹس ہال میں کھلاڑیوں سے بات چیت کی ۔ اسپورٹس اسٹیڈیم اور آس پاس کے علاقوں کی ترقی سے متعلق بہت سے دوسرے امور پر بھی تبادلہ خیال کیا گیا ۔ بعد ازاں متعدد عوامی وفود اور افراد نے ڈاک بنگلہ اودھمپور میں وزیر سے ملاقات کی اور اپنے مسائل اور مطالبات پیش کئے۔ وزیر موصوف نے عوام کو یقین دلایا کہ ان کے مطالبات کا جائیزہ لیا جائے گا اور ان کے حل کیلئے مناسب اقدامات اٹھائے جائیں گے ۔
