جموں:جموں وکشمیر کے ضلع ڈوڈہ کے کئی علاقوں میں سیکورٹی فورسز نے بڑے پیمانے پر آپریشن شروع کیا ہے۔اطلاعات کے مطابق مشکوک افراد کی نقل وحرکت کی اطلاع موصول ہونے کے بعد پولیس اور سی آر پی ایف نے ڈوڈہ کے درہو، بستی اورا س کے ملحقہ جنگلی علاقوں کو محاصرے میں لے کر لوگوں کے چلنے پھرنے پر پابندی عائد کی۔ذرائع نے بتایا کہ سیکورٹی فورسز نے وسیع العریض جنگلی علاقوں میں تلاشی آپریشن شروع کیا ہے۔باوثوق ذرائع کے مطابق چند مقامی افراد نے جنگلی علاقے میں مشکوک افراد کو دیکھا اور فوری طورپر اس کی جانکاری پولیس کو فراہم کی۔
پولیس اور سی آرپی ایف نے علاقے کو محاصرے میں لے کر فرار ہونے کے راستوں پر پہرے بٹھا دئے ہیں۔آخری اطلاعات موصول ہونے تک علاقے میں تلاشی آپریشن جاری تھا۔اس سلسلے میں مزید تفصیلات کا انتظار ہے۔
