اَتل ڈولو نے میونسپلٹیوں کیلئے ویسٹ مینجمنٹ ایکشن پلان تیار کرنے کی آخری تاریخ مقرر کی

جموں /چیف سیکرٹری اَتل ڈولو نے آج مکانات و شہری ترقی محکمہ (ایچ اینڈ یو ڈِی ڈِی) کی ایک منعقدہ میٹنگ کی صدارت کی جس میںجموں و کشمیر کے مختلف یو ایل بی کو سائنسی خطوط پر کوڑاکرکٹ کو ٹھکانے لگانے کی پروسسنگ میں شامل کرنے والی میونسپل کارپوریشنوں کی صلاحیت کو بڑھانے کے لئے اُٹھائے گئے اَقدامات کا جائزہ لیا گیا۔میٹنگ میں پرنسپل سیکرٹری خزانہ، چیئرمین پولیوشن کنٹرول کمیٹی (پی سی سی)، کمشنر سیکرٹری مکانات و شہری ترقی محکمہ ،، کمشنر سری میونسپل کارپوریشن اور جموں میونسپل کارپوریشن ، ڈائریکٹر یو ایل بی جموں /کشمیر اور دیگر متعلقہ اَفسران موجود تھے۔دورانِ میٹنگ چیف سیکرٹری نے متعلقہ حکام پر زور دیا کہ وہ جموں و کشمیر کی میونسپل کارپوریشنوں اور دیگر میونسپلٹیوں کے لئے جامع اوراجزا¿کے لحاظ سے ویسٹ مینجمنٹ پلان تیار کریں۔اُنہوں نے ایس ایم سی اور جے ایم سی کے میونسپل کمشنروں کو ہدایت دی کہ وہ گھروں میں روزانہ پیدا ہونے والے کوڑاکرکٹ کو ٹھکالنے لگانے کے لئے دونوں شہروں کے لئے سائنسی منصوبے تیار کریں۔ اُنہوں نے اُنہیں ہدایت دی کہ وہ آبادی اور ویسٹ کی پیداوار دونوں لحاظ سے مستقبل کے تخمینوں کو مدنظر رکھیں۔
اَتل ڈولونے اُنہیں مشورہ دیا کہ وہ کوڑا کرکٹ کو ٹھکانے لگانے کے لئے بیک وقت منصوبہ بندی کریں تاکہ اس غیر ٹریٹیڈشدہ کوڑاکرکٹ کی جگہوں کو صاف کیا جاسکے۔ اُنہوں نے کہا کہ سالڈ ویسٹ کے لئے میٹریل ریکوری سہولیات (ایم آر ایف)، لیکووِڈ ویسٹ کے لئے کمپوسٹ یونٹ ، بائیو سی این جی پلانٹس اور انریٹ ویسٹ کے لئے ڈمپنگ سائٹس کے قیام کے لئے قابل عمل مقامات کی نشاندہی کریں۔اُنہوں نے مشاہدہ کیا کہ ویسٹ مینجمنٹ اس سے وابستہ صحت اور ماحولیاتی خدشات دونوں کے لئے اِنتہائی ترجیح ہے۔ اُنہوں نے کہا کہ اِس کام کے لئے محکمہ کی جانب سے تمام سنجیدگی اور لگن کی ضرورت ہے تاکہ ہمارے شہروں اور قصبوں کو کوڑا کرکٹ سے مکمل طور پر نجات دِلائی جاسکے۔اُنہوں نے جموں و کشمیر پی سی سی کو جموں و کشمیر میں ماحولیاتی تحفظ کے قوانین کی عمل آوری میں سرگرم رہنے کی تاکید کی ۔ اُنہوں نے اُنہیں ان کی ذمہ داری کے بارے میں آگاہ کیا اور ان سے کہا کہ وہ اَپنی رِٹ اِستعمال کرتے ہوئے خلاف ورزی کرنے والوں کے خلاف نافذ قوانین کے مطابق کارروائی کریں۔
چیف سیکرٹری نے جموں و کشمیر کے دونوں صوبوںمیں جے ایم سی ، ایس ایم سی اور یو ایل بی کے ڈائریکٹروں کے ذریعے کئے جارہے کاموں کا بھی جائزہ لیا۔کمشنر سیکرٹری مکانات و شہری ترقی محکمہ مندیپ کور نے جموںوکشمیر یوٹی کے اَضلاع کے لئے ایس بی ایم 2.0 کے تحت مرکزی حکومت کی طرف سے تجویز کردہ اور منظور کردہ مختلف پروجیکٹوں کا جائزہ پیش کیا۔ اُنہوں نے اِنکشاف کیا کہ سائنسی خطوط پر کوڑاکرکٹ کو ٹھکانے لگانے کے لئے ٹینڈر طلب کرنے کے علاوہ پورے جموں و کشمیر میں کوڑا کرکٹ کو ٹھکانے لگانے کی سہولیات پیدا کی جارہی ہیں۔کمشنر جے ایم سی دیونش یادو نے جموں و کشمیر کے مختلف حصوں میں جے ایم سی ، ایس ایم سی اور دیگر بلدیاتی اِداروں کی طرف سے کئے گئے تفصیلی کاموں پر روشنی ڈالی۔ اُنہوں نے وضاحت کی کوڑا کرکٹ کو ٹھکانے لگانے کے لئے الگ کیا جاتا ہے اورسالڈ ویسٹ کو ایم آر ایف کی سہولیت میں ایندھن بنانے کے لئے اچھی مٹی بنانے یا بائیو سی این جی پلانٹس بنانے کے لئے لیکووِڈکے طور پر کمپوسٹ یونٹوں میں لے جایا جاتا ہے۔اُنہوں نے مزید وضاحت کی کہ ویسٹ کے مختلف اجزا¿ کو مختلف طریقے سے ٹھکانے لگایا جاتا ہے جس میں کچھ پیدا کرنے والے رِفیوزڈیلیورڈفیول ( آر ڈِی ایف) کو سیمنٹ فیکٹریوں کے ذریعے اِستعمال کیا جاتا ہے۔ یہ بھی کہا گیا کہ صرف غیر فعال فضلہ بغیر کسی اِستعمال کے لینڈ فل سائٹس پر اس کے حتمی ٹھکانے لگانے کے لئے بھیجا جاتا ہے۔
مختلف اَضلاع میں قائم کی جانے والی سہولیات کے بارے میں بتایا گیا کہ جے ایم سی کی طرف سے 40 ٹی پی ڈی اور ایس ایم سی کی طرف سے 100 ٹی پی ڈِی کی صلاحیت کا ایم آر ایف اس وقت کوڑا کرکٹ کو ٹھکانے لگانے کے لئے کام کر رہا ہے۔ اِس کے علاوہ جموں کے یو ایل بی نے 79 ٹی پی ڈِی 17 مقامات اور کشمیر کے یو ایل بی نے پورے کشمیر میں 9 مقامات پر 18 ٹی پی ڈِی کی صلاحیت کے نصب کئے ہیں۔مزید برآں،ایس ایم سی کے ذریعے کوڑا کرکٹ کو ٹھکانے لگانے کے لئے 25.29 ایم ایل ڈِی، ایل سی ایم اے کے ذریعے 36.7 ایم ایل ڈی، جے ایم سی کے ذریعے 71 ایم ایل ڈی، جموں کے یو ایل بیز نے 13.6 ایم ایل ڈی اور کشمیر ڈویژن کے یو ایل بیز نے مجموعی طور پر 6 ایم ایل ڈی کی صلاحیت کے لیکووِڈٹریٹمنٹ کے لئے ایس ٹی پیز قائم کئے ہیں۔ویسٹ مینجمنٹ کی آئندہ سہولیات کے بارے میں بتایا گیا کہ 150 ٹی پی ڈِی کی گنجائش والی ایم آر ایف سہولیت اِس برس ستمبر میں کوٹ بلوال میں اور 55 ٹی پی ڈِی میں سے ایک جے ایم کے لئے کام کرے گی۔ ایس ایم سی کے لئے 459 ٹی پی ڈی کی گنجائش کے ایم آر ایف کو جلد ہی ترمیم شدہ ایکشن پلان کے تحت ایم او ایچ یو اے کی طرف سے منظوری دی جائے گی۔آنے والے ایس ٹی پیز کے بارے میں بتایا گیا کہ وادی¿ کشمیر میں سری نگر ، سونہ مرگ ، بارہمولہ اور چرارِ شریف میں 66.9 ایم ایل ڈِی کی صلاحیت کے ایس ٹی پیز زیر تعمیر ہیں۔ جموں میں 109.2 ایم ایل ڈی کی مجموعی صلاحیت کے ایس ٹی پی جموں، اَکھنور، سانبہ، کٹھوعہ اور کٹرہ قصبوں میں قائم کئے جائیں گے۔میٹنگ میں اِنکشاف کیا گیاکہ کوڑاکرکٹ کو ٹھکانے لگانے کے لئے جے ایم سی کے ذریعے مجموعی طور پر 6.16 لاکھ میٹرک ٹن اور ایس ایم سی کے ذریعے 11 لاکھ میٹرک ٹن کوڑاکرکٹ ٹھکانے لگایا گیا ہے۔ اِسی طرح جموں کے یو ایل بیز نے 1.87 لاکھ میٹرک ٹن اور 2.98 لاکھ میٹرک ٹن کوڑاکرکٹ اور کشمیر کے یو ایل بیز کواین اے ایف اِی ڈی( نیفیڈ) کے ذریعے ٹھکانے لگانے کے لئے ٹینڈر کیا ہے۔میٹنگ کو مزید بتایا گیا کہ جے ایم سی کے ذریعہ تقریباً 1.56 لاکھ میٹرک ٹن ، جموں کی 36 یو ایل بیز کے ذریعہ 1.72 لاکھ میٹرک ٹن اور کشمیر کی 40 یو ایل بیز کے ذریعہ 0.78 لاکھ میٹرک ٹن کے وراثتی فضلے کا اَب تک ازالہ کیا گیا ہے۔ اِس کے علاوہ جموں و کشمیر کی چھوٹی یو ایل بیز میں ویسٹ مینجمنٹ کا کام شروع کرنے کے لئے اِنجینئروں اور ڈیزائن تجزیہ کاروں پر مشتمل پی ڈِی ایم سی کو جلد ہی حتمی شکل دی جائے گی۔میٹنگ کو یہ بھی جانکاری دی گئی کہ بڑے شہروں میں اوسطاً 450 گرام فی شخص فی دن اور چھوٹے شہروں میں 300 گرام کوڑاکرکٹ پیدا ہوتا ہے۔ میونسپل اِداروں کو این جی ٹی کے رہنما خطوط کے مطابق ماحولیاتی آلودگی کو کم کرنے کے لئے خشک اورگیلا کوڑا کرکٹ کو الگ کرنے اور سائنسی خطوط پر اِ س پر عمل کرنے کا کام سونپا گیا ہے۔