کھجراہو، 25 دسمبر (یو این آئی) وزیر اعظم نریندر مودی آج ایک خصوصی طیارے سے یہاں پہنچے جہاں انہیں مدھیہ پردیش کے گورنر منگو بھائی پٹیل، وزیر اعلیٰ ڈاکٹر موہن یادو اور ریاستی بھارتیہ جنتا پارٹی (بی جے پی) کے صدر وشنودت شرما نے ان کا استقبال کیا۔
مسٹر مودی سخت حفاظتی انتظامات کے درمیان ہوائی اڈے سے مقام پر پہنچے۔ مسٹر پٹیل، ڈاکٹر یادو اور کھجراہو کے ایم پی مسٹر شرما بھی ان کے ساتھ موجود تھے۔
مودی سابق وزیر اعظم اٹل بہاری واجپئی کے 100 ویں یوم پیدائش پر کھجراہو میں ملک کے پہلے دریا کو جوڑنے والے قومی پروجیکٹ کے طور پر کین-بیٹوا ریور لنکنگ نیشنل پروجیکٹ کا سنگ بنیاد رکھیں گے۔ وہ ضلع کھنڈوا کے اومکاریشور فلوٹنگ سولر پروجیکٹ کا بھی افتتاح کریں گے اور 1153 اٹل گرام سوشاسن عمارتوں کا بھومی پوجن بھی کریں گے۔ وزیر اعظم مودی سابق وزیر اعظم واجپئی کی یاد میں ایک ڈاک ٹکٹ اور سکہ بھی جاری کریں گے۔
