بجلی کے غیر شیڈول کٹوتی کو کم کرنے کے لئے کوشاں :صوبائی کمشنر کشمیر
نیوزڈیسک
سری نگرصوبائی کمشنر کشمیر وی کے بدھوری نے بدھ کے روز کہا کہ انتظامیہ بجلی کے غیر شیڈول کٹوتی کو کم کرنے پر کام کر رہی ہے۔انہوں نے کہاکہ انتظامیہ کے پاس ڈیزل، پیٹرول اور گیس کا وافر سٹاک موجود ہے۔ان باتوں کا اظہار موصوف نے سری نگر میں نامہ نگاروں سے بات چیت کے دوران کیا۔انہوں نے کہاکہ بجلی کے غیر شیڈول کٹوتی کو کم کرنے کی خاطر سرکار کام کر رہی ہے۔ تاہم لوگوں کو بھی تعاون فراہم کرنا چاہئے۔صوبائی کمشنر نے کہاکہ سردی کے ان ایام میں متواتر بجلی سپلائی کو یقینی بنانے کی خاطر سرکار کوشاں ہے۔متوقع برفباری کے حوالے سے صوبائی کمشنر نے کہاکہ فی الحال وادی کے دو پہاڑی علاقوں میں برف باری ہوئی ہے۔انہوں نے کہاکہ کشمیر کی سبھی شاہرائیں جن میں مغل روڈ ، لہیہ سری نگر شاہراہ اور سری نگر جموں شاہراہ فی الحال ٹریفک کے لئے کھلی ہے۔ان کے مطابق ہمارے پاس اس وقت ڈیزل، پیٹرول اور گیس کا وافر سٹاک موجود ہے۔
