سری نگر:میرواعظ مولوی محمد عمر فاروق کی نظر بندی کے حوالے سے جموں وکشمیر و لداخ ہائیکورٹ میں کیس سماعت کیلئے 4 اکتوبر 2024 کو درج کیا گیا ہے۔
بیان کے مطابق میر واعظ عمر فاروق گزشتہ ایک ماہ سے گھر میں نظر بند ہیں۔
یہاں یہ بات قابل ذکر ہے کہ میرواعظ مولوی محمد عمر فاروق نے قبل ازیں معزز جموں و کشمیر اور لداخ ہائی کورٹ میں ایک رٹ پٹیشن نمبر2400/2024دائر کی تھی، جس کی سنوائی نومبر 2024 میں درج کی گئی تھی ۔
بیان کے مطابق چونکہ مذکورہ رٹ پٹیشن کے زیر التوا ہونے کے دوران بھی میرواعظ کوایک بار پھر غیر قانونی اور غیر آئینی طور حراست میں رکھا جا رہا ہے اور انہیں اس کے بنیادی اور مذہبی حقوق سے محروم رکھا گیا ہے۔
اس لئے میرواعظ کو ایک اورCMP نمبر5884/2024 ایک فوری سنوائی کیلئے دائر کرنے پر مجبور کیا گیا اور اس درخواست کی پیروی میں CMP نمبر اب اس مہینے کی 4 تاریخ یعنی جمعتہ المبارک کو معزز ہائی کورٹ میں سنوائی کیلئے درج ہے۔
بیان میں کہا گیا ہے کہ امید ہے کہ معزز ہائی کورٹ آئین میں درج قدرتی انصاف اور انسانی حقوق کے قوانین کے پیش نظر میرواعظ کو نظر بندی سے فوری ریلیف فراہم کرے گی اور انہیں رہا کیا جائےگا۔
یو این آئی
