کٹھوعہ حملہ : امن و امان برقرار رکھنے کے لیے پرعزم :راجناتھ سنگھ

کٹھوعہ حملہ : امن و امان برقرار رکھنے کے لیے پرعزم :راجناتھ سنگھ

نئی دہلی، 9 جولائی (یو این آئی) وزیر دفاع راج ناتھ سنگھ نے جموں و کشمیر کے کٹھوعہ ضلع میں پیر کو ہوئے دہشت گردانہ حملے میں پانچ فوجیوں کی شہادت پر گہرے رنج و غم کا اظہار کیا ہے۔

سیکرٹری دفاع گردھر ارمانے نے بھی دہشت گردانہ حملے میں فوجیوں کی شہادت پر رنج کا اظہار کیا ہے۔مسٹر سنگھ نے حملے کے ایک دن بعد، منگل کو سوشل میڈیا پلیٹ فارم ون پر ایک پوسٹ میں کہا ’’بدنوٹا، کٹھوعہ (جموں و کشمیر) میں دہشت گردانہ حملے میں ہمارے پانچ بہادر ہندوستانی فوجیوں کی موت سے مجھے بہت دکھ ہوا ہے۔‘‘

سوگوار خاندانوں سے میری دلی تعزیت، ملک اس مشکل وقت میں ان کے ساتھ کھڑا ہے۔ انسداد دہشت گردی کی کارروائیاں جاری ہیں اور ہمارے فوجی علاقے میں امن و امان برقرار رکھنے کے لیے پرعزم ہیں۔

میں اس بزدلانہ دہشت گردانہ حملے میں زخمی ہونے والوں کی جلد صحت یابی کے لیے پرارتھنا کرتا ہوں۔‘‘مسٹر ارمانے نے اپنے پیغام میں کہا کہ وہ اس دہشت گردانہ حملے میں فوجیوں کی جانوں کے ضیاع پر غمزدہ ہیں اور سوگوار لواحقین سے اظہار تعزیت کیا۔ انہوں نے کہا کہ ملک کے لیے فوجیوں کی بے لوث خدمات کو ہمیشہ یاد رکھا جائے گا اور ان کی قربانی رائیگاں نہیں جائے گی۔واضح رہے کہ دہشت گردوں کے ہدف بناکر کئے گئے حملے میں پانچ فوجی شہید اور پانچ دیگر زخمی ہوگئے ہیں۔


یو این آئی

Leave a Reply

Your email address will not be published.