جالندھر: پنجاب کے جالندھر میں کاؤنٹر انٹیلی جنس نے آج ببر خالصہ انٹرنیشنل کے ایک رکن کو بھاری مقدار میں گولہ بارود اور جدید ترین ہتھیاروں کے ساتھ گرفتار کیا۔
پنجاب کے ڈائریکٹر جنرل آف پولیس گورو یادو نے کہا کہ انٹیلی جنس معلومات کی بنیاد پر ایک کارروائی میں، اہم حملہ آور سمرن جیت ببلو، جو 3 اپریل 2024 کو ایس بی ایس نگر میں سابق دہشت گرد رتن دیپ سنگھ کی ہلاکت خیز فائرنگ میں ملوث تھا، کو گرفتار کر لیا گیا ہے۔
اس ماڈیول کو پاکستان میں مقیم دہشت گرد ہرویندر رندا اور امریکہ میں مقیم گوپی نوانشہریا چلا رہے تھے۔ڈی جی پی نے کہا کہ مزید تفتیش جاری ہے۔
یواین آئی
