نئی دہلی: مرکزی وزیر ڈاکٹر جتیندر سنگھ نے آج نئی دہلی میں ایک میڈیا انٹرویو میں کہا کہ ’’ ڈاکٹر آن وہیلز‘‘ شروع کی گئی ہے۔ اس انوکھے تجربے میں جدید ترین ٹکنالوجی کے آلات کا استعمال کیا گیا ہے جس کے تحت موبائل ٹیلی میڈیسن کلینک میں علاج کے لیے آنے والے مریض کی اچھی طرح جانچ کی جاتی ہے اور اس کے بعد ایک نظام قائم کیا جاتا ہے۔ حیدرآباد اور بنگلورو جیسے میٹروپولیٹن شہروں کے معروف اسپتالوں کے متعلقہ سپر اسپیشلسٹ ڈاکٹروں سے مشورہ حاصل کرکے اس کی شروعات کی گئی ہے ۔ انہوں نے کہا کہ مریض کا معائنہ کرنے اور ڈاکٹر کا نسخہ فراہم کرنے کا سارا عمل تقریباً 45 منٹ میں مکمل ہو جاتا ہے تاہم اگر مریض کو جسمانی طور پر اسپتال جانا پڑے تو اس میں کئی دن لگ سکتے ہیں۔
ڈاکٹر جتیندر سنگھ نے کہا کہ ‘ڈاکٹر آن وہیلز’ اقدام کے استفادہ کنندگان میں زیادہ تر خواتین ہیں۔ انہوں نے مزید کہا کہ ڈوڈہ، ہیرا نگر اور کٹھوعہ-بلاور خطوں میں کل 11,431 مستفید ہونے والوں میں سے 6,643 خواتین تھیں۔
ڈاکٹر سنگھ نے کہا کہ فی الحال چوتھے مرحلے میں ادھم پور ضلع کے رام نگر بلاک کے بالائی علاقوں میں دور دراز کے ڈوڈو بسنت گڑھ میں بھی یہی دیکھا جا رہا ہے، جہاں 22 پنچایتوں کے تحت 56 دیہاتوں میں کل 1452 مستفید ہونے والوں میں سے 835 خواتین نے کلینک وین سے طبی مشورہ حاصل کیا ہے۔ .
ڈاکٹر جتیندر سنگھ نے مزید وضاحت کی کہ اگرچہ مریضوں کی تشخیص اور مشاورت کے پورے عمل میں بہت زیادہ لاگت آتی ہے، لیکن یہ رضاکارانہ ذرائع سے جمع ہونے والے فنڈز کے ذریعے ان کے حلقے میں مریضوں کو مفت علاج فراہم کیا جا رہا ہے۔
ڈاکٹر جتیندر سنگھ نے کہا کہ جدید ترین، آرٹیفیشل انٹیلی جنس ( اے آئی ) کی مدد سے ” آروگیہ ڈاکٹر آن وہیلس” ممکنہ طور پر اپنی نوعیت کا پہلا ٹیلی میڈیسن موبائل کلینک ہے جس کی اپنی خصوصیات ہیں۔ انہوں نے کہا کہ اس کی بے پناہ کامیابی ملک میں دیگر مقامات پر بھی اسی طرح کے اقدامات کی ترغیب دے گی۔
وزیرمملکت نے کہا ” آروگیہ ڈاکٹر آن وہیلز ” جدید ترین طریقہ علاج پر کام کرتا ہے، جس میں مریض اپنی بیماری یا شکایت کو اپنی مادری زبان میں بیان کر سکتا ہے اور اے آئی ڈاکٹر اس زبان کو سمجھتا ہے اور مریض سے اسی زبان میں مخاطب ہوتا ہے۔
ڈاکٹر جتیندر سنگھ نے کہا ٹیلی میڈیسن کی یہ مفت سہولت ‘رسائی، دستیابی اور سستی’ کے مسائل کو حل کرتی ہے۔ انہوں نے کہا کہ اس سہولت کے ذریعے خدمات کے معیار، ماہر ڈاکٹروں، سفر کی دوری اور مشاورت/علاج کے اخراجات کو مدنظر رکھتے ہوئے ان مسائل کو موثر طریقے سے حل کیا جاتا ہے۔ عام طور پر میٹرو اسپتال میں مریض کا علاج بہت زیادہ مہنگا ہوگا اور اس میں دو سے تین ہفتے لگ سکتے ہیں۔ انہوں نے کہا کہ اس قسم کا مفت ٹیلی میڈیسن موبائل کیمپ خاص طور پر کمزور سماجی و اقتصادی پس منظر والے لوگوں کے تمام مسائل حل کرتا ہے۔
وزیرمملکت نے بتایا کہ مریضوں کی سہولت کے لیے تجویز کردہ ادویات بھی مفت فراہم کی جا رہی ہیں اور اس کے علاوہ عام طور پر استعمال ہونے والی ادویات پر مشتمل ادویات کی کٹس پورے حلقے کے تمام خاندانوں میں مفت تقسیم کی جا رہی ہیں۔
انہوں نے کہا کہ موبائل ٹیلی میڈیسن کلینک "آروگیا-ڈاکٹر آن وہیلز” ملک کے سرکردہ سپر اسپیشلٹی اسپتالوں کے مختلف ڈاکٹروں کو شامل کرنے کا ایک اقدام ہے، جو دور دراز اور ناقابل رسائی علاقوں میں معیاری صحت کی دیکھ بھال فراہم کر رہا ہے۔
ڈاکٹر سنگھ نے کہا کہ وزیر اعظم نریندر مودی کے ڈیجیٹل ہیلتھ مشن اور آیوشمان بھارت سے متاثر یہ جدید ترین سپر اسپیشلٹی موبائل اسپتال ڈاکٹروں کے ساتھ گھر گھر مشاورت کی خدمات فراہم کر رہا ہے اور احتیاطی صحت کی دیکھ بھال میں شہری اور دیہی تقسیم کو ختم کرنے میں مدد کرتا ہے۔
ڈاکٹر جتیندر سنگھ نے کہا کہ فی الحال چوتھے مرحلے کے تحت موبائل ہیلتھ کلینک 17 جنوری 2024 سے ادھم پور کے رام نگر بلاک کے بالائی علاقے ڈڈو بسنت گڑھ میں چلایا جا رہا ہے۔
ڈاکٹر سنگھ ادھم پور پارلیمانی حلقے کی نمائندگی کرتے ہیں، جس میں کٹھوعہ اور ڈوڈہ اضلاع بھی شامل ہیں۔
