جموں وکشمیر کے گلمرگ میں زلزلےکے جھٹکے، کوئی نقصان نہیں

سری نگر : جموں و کشمیر کے گلمرگ میں ہفتے کی صبح زلزلے کے جھٹکے محسوس کئے گئے تاہم کسی جانی یا مالی نقصان کی کوئی اطلاع نہیں ہے۔
ریکٹر اسکیل پر اس زلزلے کی شدت 5.2 ریکارڈ ہوئی ہے جبکہ اس کی زیر زمین گہرائی 129 کلومیٹر تھی۔
نیشنل سینٹر فار سیسمالوجی کے ایک ٹویٹ کے مطابق جموں وکشمیر کے گلمرگ میں ہفتے کی صبح 8 بجکر 36 منٹوں پر زلزلے کے جھٹکے محسوس کئے گئے۔
سینٹر کے مطابق ریکٹر اسکیل پر اس زلزلے کی شدت 5.2 ریکارڈ ہوئی ہے جبکہ اس کی زیر زمین گہرائی 129 کلومیٹر تھی۔
تاہم زلزلے سے کسی قسم کے جانی یا مالی نقصان کی کوئی اطلاع نہیں ہے۔
جموں وکشمیر زلزلیاتی پیمانے پر سب سے زیادہ خطرناک زون پانچ اور چار میں آتا ہے۔