ماسکو، 19 اپریل : نارتھ اٹلانٹک ٹریٹی آرگنائزیشن (نیٹو) کے سکریٹری جنرل جینز اسٹولٹن برگ نے منگل کو کہا کہ چین کے پاس 2035 تک تقریباً 1500 ایٹمی ہتھیارہوں گے لہٰذا اتحاد کو "زیادہ خطرناک اور مسابقتی دنیا” کے لیے اپنے نقطہ نظر پر نظر ثانی کرنے اور اسے اپنانے کی ضرورت ہے۔
ہتھیاروں کے کنٹرول، تخفیف اسلحہ اوربڑے پیمانے پر تباہی کے عدم پھیلاؤ کے ہتھیاروں پر18ویں سالانہ نیٹو کانفرنس کے افتتاحی اجلاس سے خطاب کرتے ہوئے مسٹر اسٹولٹن برگ نے کہا، "روس ہماری سلامتی کے لیے سب سے سیدھا خطرہ ہے۔ لیکن وسیع تر عالمی سلامتی کا منظر نامہ بھی پریشان کر رہاہے۔ چین اپنی صلاحیتوں کے بارے میں بغیر کسی شفافیت کے اپنے جوہری اسلحہ خانہ میں تیزی سے اضافہ کر رہا ہے۔ ایران اور شمالی کوریا کھلے طورپر اپنے خود کے جوہری پروگرام اور ترسیل کا نظام تیار کر رہے ہیں۔” .. طویل مدت میں، ہمیں ایک زیادہ خطرناک اور مسابقتی دنیا کے لیے اپنے نقطہ نظر پر نظر ثانی کرنے اور اسے اپنی مرضی کے مطابق کرنے کی ضرورت ہے اور اس کا مطلب چین کے ساتھ مقابلہ ہے۔ جس کے پاس 2035 تک 1500 جوہری ہتھیار ہونے کا اندازہ ہے۔
گروپ آف سیون (جی-7) نے منگل کے روز چین سے مطالبہ کیا کہ وہ ملک کے جوہری ہتھیاروں کی مبینہ توسیع کے درمیان امریکہ کے ساتھ اسٹریٹجک خطرے میں کمی کی بات چیت میں شامل ہو اور ان اشیا اور ٹیکنالوجی کو کنٹرول کرنے کی اہمیت کی تصدیق کی، جن کا استعمال فوجی مقاصد کے لئے کیاجاسکتا ہے۔ بنیادی طور پر کثیر جہتی برآمدی کنٹرول کے نظام کے ذریعے۔”
اسی دن چینی وزارت خارجہ کے ترجمان وانگ وین بن نے کہا کہ جی 7 ممالک بین الاقوامی جوہری تخفیف کے نظام کو مسلسل کمزورکرتے ہوئے دوسرے ممالک کی ایٹمی پالیسیوں کی منمانے طریقے سے تنقید کرتے ہیں۔
یواین آئی
