EN
بدھ, دسمبر ۱۷, ۲۰۲۵
8.1 C
Srinagar
EPAPER
ENGLISH
type here...
تازہ ترینکشمیر
Less than 1 min.Read

کشمیر میں تازہ برف و باراں، کئی دور افتادہ علاقوں کا ضلع صدر مقامات سے رابطہ منقطع

ایشین میل
By ایشین میل
سری نگر،14 نومبر : محکمہ موسمیات کی پیش گوئی کے عین مطابق وادی کشمیر کے بالائی علاقوں میں تازہ برف باری جبکہ میدانی علاقوں میں بارشیں ہوئیں۔
متعلقہ محکمے کے ایک ترجمان کی پیش گوئی کے مطابق وادی میں 14 نومبر کی شام تک موسم کی یہی صورتحال جاری رہ سکتی ہے۔
انہوں نے کہا کہ وادی میں 15 سے18 نومبر تک موسم مجموعی طور پر خشک مگر ابر آلو رہنے کا امکان ہے۔
ان کا کہنا تھا کہ بعد ازاں 18 سے19 نومبر تک موسم ایک بار پھر خراب ہوسکتا ہے جس کے نتیجے میں بالائی علاقوں میں ہلکی سے درمیانی درجے کی برف باری یا بارشوں کا امکان ہے۔
انہوں نے کہا کہ تاہم وادی میں 20 نومبر تک بڑے پیمانے پر موسم خراب ہونے کی کوئی توقع نہیں ہے۔
ادھر بھاری برف باری سے وادی کے بعض دور افتادہ علاقوں کا اپنے ضلع صدر مقامات سے رابطہ منقطع ہوگیا۔ سرحدی ضلع کپوارہ کے مژھل، کیرن اور کرناہ میں قریب ایک فٹ برف جمع ہوئی جس کے باعث یہ علاقے ضلع ہیڈ کوارٹر سے منقطع ہوگئے ہیں۔
اطلاعات کے مطابق ضلع بانڈی پورہ کی وادی گریز میں بھی ایک زائد از ایک فٹ برف جمع ہوئی ہے جبکہ مشہور سیاحتی مقام گلمرگ میں بھی 14 انچ تازہ برف جمع ہوئی ہے۔
سری نگر میں گذشتہ چوبیس گھنٹوں کے دوران 5.9 ملی میٹر بارش ریکارڈ ہوئی ہے جبکہ قاضی گنڈ میں 2.8 ملی میٹر، پہلگام میں12.2 ملی میٹر، کپوارہ میں 14.4 ملی میٹر اور گلمرگ میں 16.8 ملی میٹر بارش ریکارڈ ہوئی ہے۔
ادھر مطلع ابرآلود رہنے سے وادی میں شبانہ درجہ حرارت میں قدرے بہتری درج ہوئی ہے۔
گرمائی دارلحکومت سری نگر میں کم سے کم درجہ حرارت 3.4 ڈگری سینٹی گریڈ ریکارڈ کیا گیا جو معمول سے 2.2 ڈگری سینٹی گریڈ ریکارڈ ہوا تھا۔
وادی کے مشہور زمانہ سیاحتی مقام گلمرگ میں کم سے کم درجہ حرارت منفی 2.4 ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی3.6 ڈگری سینٹی گریڈ ریکارڈ ہوا تھا۔
وادی کے دوسرے مشہور سیاحتی مقام پہلگام میں کم سے کم درجہ حرارت0.6 ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی3.8 ڈگری سینٹی گریڈ ریکارڈ ہوا تھا۔
سرحدی ضلع کپوارہ میں کم سے کم درجہ حرارت 1.1 ڈگری سینٹی گریڈ ریکارڈ کیا گیا جہاں گذشتہ شب منفی1.4 ڈگری سینٹی گریڈ ریکارڈ ہوا تھا۔
گیٹ وے آف کشمیر کے نام سے مشہور قصبہ قاضی گنڈ میں کم سے کم درجہ حرارت4.5 ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی0.2 ڈگری سینٹی گریڈ ریکارڈ ہوا تھا۔
لداخ یونین ٹریٹری کے ضلع کرگل میں کم سے کم درجہ حرارت منفی3.0 ڈگری سینٹی گریڈ جبکہ ضلع لیہہ میں منفی4.1 ڈگری سینٹی گریڈ اور قصبہ دراس جو سائبیریا کے بعد دنیا کا سرد ترین علاقہ مانا جاتا ہے، میں کم سے کم درجہ حرارت منفی3.5 ڈگری سینٹی گریڈ ریکارڈ ہوا ہے۔
یو این آئی

Popular Categories

تازہ ترینکشمیرانڈیاجموںاہم خبر۔بین الاقوامیاداریہ
spot_imgspot_img
گزشتہ مضمون
تاریخی مغل روڈ اور سری نگر- لیہہ شاہراہ پر ٹریفک بند
اگلا مضمون
جموں وکشمیر: ڈوڈہ میں گاڑی دریائے چناب میں گر جانے سے تین سرکاری ملازم از جان، ایک زخمی

روزنامہ ایشین میل جموں وکشمیر سے شائع ہونے والا دو لسانی اخبار ہے ۔ایشین میل کا روزنامہ اخبار گزشتہ دو دہائیوں سے سرینگر سے شائع ہورہا ہے ۔اس کے علاوہ اس ادارے کا ایشین میلکمیو نیکیشنز کے نام سے ڈیجیٹل پلیٹ فارم بھی ہے

روزنامہ ایشین میل ،راتھر کیمپلیکس راج باغ سرینگر

نیوز لیٹر

©Asian Mail - Designed by Gabfire.