جموں،29 اکتوبر: جموں وکشمیر کے ضلع پونچھ کے منڈی علاقے میں ہفتے کی صبح ایک ٹریکٹر ٹرالی کھائی میں جا گرنے سے دو افراد زخمی ہوگئے۔
سرکاری ذرائع نے بتایا کہ پونچھ کے منڈی تحصیل کے پڑی بازار علاقے میں ہفتے کی صبح ایک ٹریکٹر ٹرالی ایک کھائی میں جا گری جس کے نتیجے میں دو افراد زخمی ہوگئے۔
زخمیوں کی شناخت راول احمد ولد محمد اکبر خان اور ارشد خان ولد محمد طارق خان ساکنان متنوت منڈی کے بطور ہوئی۔
انہوں نے کہا کہ زخمیوں کو علاج و معالجے کے لئے فوری طور پر بی ایس ایف کی ایک ایمبولنس میں نزدیکی ہسپتال منتقل کیا گیا جہاں سے ان کو ضلع ہسپتال پونچھ ریفر کیا گیا۔
یو این آئی
