سری نگر،30 جولائی : شمالی کشمیر کے ضلع بارہمولہ کے وانی گام بالا علاقے میں تصادم آرائی کے دوران ایک عدم شناخت ملی ٹینٹ مارا گیا جبکہ تلاشی آپریشن ہنوز جاری ہے۔
کشمیر زون پولیس نے اپنے ایک ٹویٹ میں اپ ڈیٹ فراہم کرتے ہوئے کہا: ’بارہمولہ انکاؤنٹر: ایکملی ٹینٹ مارا گیا جبکہ تلاشی آپریشن ہنوز جاری ہے‘۔
قبل ازیں ذرائع نے بتایا کہ فوج اور پولیس نے ایک مشترکہ ٹیم نے ہفتے کی علی الصبح بارہمولہ کے وانی گام بالا علاقے کو محاصرے میں لے کر تلاشی آپریشن شروع کر دیا۔
انہوں نے کہا کہ جوں ہی تلاشی آپریشن کی ایک ٹیم مشتبہ مقام کے نزدیک پہنچی تو وہاں چھپے ملی ٹینٹوں نے ان پر فائرنگ کردی جس کے نتیجے میں طرفین کے درمیان تصادم چھڑ گیا۔
یو این آئی
