اننت ناگ:مرکزی وزیر مملکت برائے امور داخلہ مسٹر اجے کمار مشرا نے آج اننت ناگ کے اپنے دو روزہ دورے کے دوران آج یہاں پہلگام پہنچے ۔
وزیر نے علاقے کے پی آر آئیز ، ہوٹل مالکان اور سول سوسائٹی کے اراکین کے وفود سے ملاقات کی ۔
ہوٹل مالکان کے وفد نے معزز مہمان کو سیاحوں کی آمد کے بارے میں بتایا اور کہا کہ وہ عالمی معیار کی سہولیات فراہم کرنے کیلئے پرعزم ہیں ۔ وفد نے انہیں بتایا کہ پرانے ڈھانچوں کی مرمت اور تزئین و ارائش کا کام اٹھایا جانا ہے ۔ ڈپٹی کمشنر نے بتایا کہ ایک سٹرکچر میکنزم بنایا گیا ہے اور شکایات کے ازالے کیلئے موجودہ میکنزم کو تیز کیا جائے گا ۔ وفد نے سیاحت کو صنعت کا درجہ دینے اور سرکاری اسکیموں کے فوائد کی اجازت دینے کی بھی درخواست کی ۔ وزیر نے کہا کہ یہ معاملہ زیر غور ہے اور انہوں نے وفد کو یقین دلایا کہ لیز کی تجدید /توسیع کے مسئلے کو حل کیا جائے گا ۔
سول سوسائٹی پہلگام نے سیاحوں کی بھاری آمد کی وجہ سے پہلگام کی سڑکوں پر بھیڑ کا مسئلہ پیش کیا ۔ معززین نے کہا کہ اس معاملے کو متعلقہ حلقوں کے ساتھ اٹھایا جائے گا اور مناسب طریقے سے ازالہ کیا جائے گا ۔ ڈپٹی کمشنر نے کہا کہ ایس اے این جے وائی کیلئے ایک وسیع ٹریفک پلان کو مطلع کر دیا گیا ہے اور چندن واڑی اور آرو تک کی اہم سڑکوں کو اپ گریڈ کیا جا رہا ہے ۔ وفد نے پہلگام ۔ چندن واڑی روٹ پر چلنے والی گاڑیوں کے نرخوں پر نظر ثانی کا مسئلہ اٹھایا اور وزیر نے انہیں یقین دلایا کہ یہ معاملہ مناسب حکام کے ساتھ اٹھایا جائے گا ۔
وزیر نے ضلع ترقیاتی کونسل اننت ناگ کے اراکین سے ملاقات کی ۔ بی ڈی سی چوہدری حمید نے کہا کہ وہ یو ٹی میں تین درجے پنچائتی راج نظام کے قیام کیلئے حکومت کے شکر گذار ہیں ۔ انہوں نے کہا کہ وہ حقیقی معنوں میں بااختیار محسوس کرتے ہیں اور انہیں زمینی سطح پر ترقیاتی کاموں کے نفاذ کے اختیارات دئیے گئے ہیں ۔ انہوں نے پی آر آئیز اور ضلعی انتظامیہ کے اہلکاروں کے درمیان کوارڈینیشن بڑھانے پر زور دیا ۔ انہوں نے درخواست کی کہ 15 ویں مالیاتی کمیشن کی گرانٹ جموں و کشمیر کے یو ٹی کیلئے مختص کی جائے ۔ کونسل کے ایک اور رکن نے کہا کہ دیہی ترقی کے محکمے میں عملے کو بڑھانا ضروری ہے ۔ ڈی ڈی سی ممبر شانگس نے کہا کہ وہ زمینی سطح پر پنچائتی راج نظام کے نفاذ کیلئے پوری طرح پر عزم ہیں اور کہا کہ بلاک کی سطح پر انفراسٹرکچر کو اپ گریڈ کرنے کی ضرورت ہے ۔ وزیر کو ڈاکٹر سنگلا نے بتایا کہ ڈسٹرکٹ ڈیولپمنٹ کونسل کے ممبران کیلئے آفس کمپلیکس اور اس سے منسلک رہائش کیلئے اراضی کی نشاندہی کر دی گئی ہے اور جلد ہی اس پر عملدرآمد شروع ہو جائے گا ۔
وائس چئیر پرسن ڈی ڈی سی کونسل شیخ جاوید نے کہا کہ انتظامی نظام کو ہموار کیا گیا ہے اور خدمات کی فراہمی اور شکایات کے ازالے کیلئے مناسب پلیٹ فارم بنائے گئے ہیں ۔ انہوں نے کہا کہ کونسل اور عہدیداروں کی مربوط کوشش ضلع کے ترقیاتی منظر نامے کو تبدیل کرنے میں اہم کردار ادا کر رہی ہے ۔
چئیر مین ڈی ڈی سی ایم وائی گورسی نے قبائلیوں کی فلاح و بہبود کیلئے مختلف ترقیاتی پسند اقدامات کیلئے حکومت کا شکریہ ادا کیا ۔
مسٹر اجے کمار مشرا نے اراکین سے خطاب کرتے ہوئے اس بات پر زور دیا کہ ترقیاتی کام تیزی سے مکمل ہو رہے ہیں ۔ انہوں نے کہا کہ نہ صرف کام کی مقدار میں اضافہ ہوا ہے بلکہ کام کا معیار بھی بہتر ہوا ہے اور عوامی فنڈز شفاف اور جوابدہ طریقے سے خرچ ہو رہے ہیں ۔
فشریز ہٹ پہلگام میں معززین نے مختلف اسکیموں کے استفادہ کنندگان سے بات چیت کی جنہوں نے پی ایم ایم ایس وائی کے تحت ٹراو¿ٹ ریس ویز اور ٹراو¿ٹ ہیچریاں قائم کی ہیں ۔ انہوں نے مستحقین میں ٹراو¿ٹ فارمنگ کا سامان بھی تقسیم کیا ۔ ڈپٹی ڈائریکٹر فشریز نے وزیر کو ضلع میں چلائی جا رہی مختلف اسکیموں اور پی ایم ایم ایس وائی کے تحت ملنے والے فوائد کا مختصر جائیزہ دیا ۔
اس موقع پر ڈی سی اننت ناگ ، ڈی آئی جی ایس کے آر ، ایس ایس پی اننت ناگ ، اے ڈی ڈی سی ، سی پی او ، ایس ای آر اینڈ بی ، سی ایم او سمیت متعدد دیگر موجود تھے ۔
بعد میں وزیر مملکت نے 116 بٹالین سی آر پی ایف کیمپ پہلگام کا دورہ کیا ۔ جہاں ایک سینک سمیلن کا اہتمام کیا گیا تھا ۔ وزیر مملکت نے اس موقع پر جوانوں کے ساتھ بات چیت کی اور امن اور خوشحالی کو یقینی بنانے میں ان کے تعاون کیلئے ان کی تعریف کی ۔
