نئے کیسز کی آمد سے کیسز کی کل تعداد چار کروڑ 31 لاکھ 44 ہزار 820 ہو گئی ہے۔ اس عرصے کے دوران، ایکٹو کیسز میں 443 کے اضافے کے ساتھ، اب ان کی تعداد بڑھ کر 15,414 ہو گئی ہے۔
جمعرات کی صبح صحت اور خاندانی بہبود کی مرکزی وزارت کی طرف سے جاری کردہ اعداد و شمار کے مطابق، گزشتہ 24 گھنٹوں میں 2,167 افراد کووڈ سے نجات دلائی گئی ہے اور اس کے ساتھ مجموعی طور پر چار کروڑ 26 لاکھ 4 ہزار 881 مریض کووڈ سے صحت یاب ہوئے ہیں۔
اس وقت ملک میں کورونا سے صحت یاب ہونے کی شرح 98.75 فیصد ہے۔وہیں پازیٹویٹی کی شرح 0.04 فیصد اور شرح اموات 1.22 فیصد ہے۔
کیرالہ میں کورونا وائرس کے ایکٹیو کیسز 358 بڑھ کر 4,313 ہو گئے ہیں۔ اس سے راحت پانے والوں کی تعداد 376 بڑھ کر 64,78,328 ہو گئی، جب کہ مرنے والوں کی تعداد 13 بڑھ کر 69,643 ہو گئی۔
مہاراشٹر میں زیر علاج معاملوں کی تعداد میں 136 کے اضافے کے ساتھ، کل تعداد 2,175 تک پہنچ گئی ہے۔ اس کے ساتھ ہی مزید 334 افراد کے صحت یاب ہونے کے بعد اس سے نجات پانے والوں کی تعداد 77 لاکھ 33 ہزار 786 تک پہنچ گئی ہے جب کہ ہلاکتوں کی تعداد 1 لاکھ 47 ہزار 857 ہو گئی ہے۔
کرناٹک میں فعال کیسز 84 سے بڑھ کر 1,799 ہو گئے۔ اس عرصے کے دوران 124 افراد کے صحت یاب ہونے کے بعد وبا سے صحت یاب ہونے والے مریضوں کی کل تعداد 39,09,073 ہوگئی جب کہ اموات کی تعداد 40,106 پر مستحکم رہی۔
مدھیہ پردیش میں ایکٹو کیسز سات بڑھ کر 296 ہو گئے ہیں۔ ریاست میں مزید 43 افراد نے اس مہلک وائرس کو شکست دی، جس کے بعد کورونا سے آزاد ہونے والوں کی کل تعداد 10,31,294 ہوگئی ہے۔ اس وبا کی وجہ سے اب تک 10,736 افراد ہلاک ہو چکے ہیں۔
یواین آئی
