ڈی ڈی سی چیئر پرسن بڈگام کی لیفٹیننٹ گورنر سے ملاقات

سر ی نگر:ضلع ترقیاتی کونسل بڈگام کے چیئر پرسن نذیر احمد خان نے آج یہاں راج بھون میں لیفٹیننٹ گورنر منوج سنہا سے ملاقات کی ۔
ڈی ڈی سی چئیر پرسن نے یو ٹی میں ترقی کے ایک نئے دور کا آغاز کرنے ، پراجیکٹ پر عمل درآمد میں نئے ریکارڈ قائم کرنے اور لوگوں کی فلاح و بہبود کو یقینی بنانے کیلئے لفٹینٹ گورنر کا شکریہ ادا کیا ۔
میٹنگ کے دوران ڈی ڈی سی چئیر پرسن نے لفٹینٹ گورنر کو اپنے حلقہ میں ترقیاتی منظر نامے سے آگاہ کیا ۔ انہوں نے مطالبات کا ایک میمورنڈم بھی پیش کیا جس میں مختلف سڑکوں کی تعمیر ، نالہ سکھ ناگ پر پُل ، ایس ڈی ایچ بیروہ میں طبی سہولیات میں اضافہ ، بڈگام کے مختلف دیہاتوں میں مناسب قیمت کی نئی دکانیں اور آنگن واڑی مراکز کی تعمیر کے علاوہ مذہبی سیاحت کی فراہمی اور فروغ، بجلی میں اضافے سے متعلق مسائل کو اجاگر کیا گیا ۔
لفٹینٹ گورنر نے مسائل اور مطالبات کو غور سے سُنا اور ڈی ڈی سی چئیر پرسن کو عوامی اہمیت کے تمام حقیقی معاملات کو میرٹ پر حل کرنے کی یقین دہانی کرائی ۔
لفٹینٹ گورنر نے ڈی ڈی سی چئیر پرسن پر زور دیا کہ وہ عوامی بہبود کی اپنی کوششوں کو جاری رکھیں اور جموں کشمیر یو ٹی کے ترقیاتی سفر میں فعال طور پر حصہ ڈالیں ۔