سری نگر، 17مارچ: شمالی کشمیر کے کونل عش پورہ ہندواڑہ علاقے میں سڑک کے ایک حادثے میں ڈرائیور کی موقع پر ہی موت واقع ہوئی ہے۔
سرکاری ذرائع نے بتایا کہ جمعرات کی سہ پہر کو ہندواڑہ کے کونل عش پورہ گاوں میں ٹریکٹر اُلٹ جانے کی وجہ سے ڈرائیور شدید طورپر زخمی ہوا ۔
انہوں نے بتایا کہ زخمی ڈرائیور کو علاج ومعالجہ کی خاطر فوری طورپر نزدیکی ہسپتال منتقل کیا گیا تاہم وہاں پر موجود ڈاکٹروں نے اُسے مردہ قرار دیا۔
متوفی کی شناخت ارشاد احمد لون ولد محمد اکبر لون ساکن کونل عش پورہ کے بطور ہوئی ہے۔
پولیس نے لاش کو تحویل میں لے کر طبی اور قانونی لوازمات مکمل کرنے کے بعد میت وارثین کے حوالے کی ۔
یو این آئی
