کشمیر فائلز سے دو کمیونٹیز کے درمیان دوریاں مزید بڑھ جائیں گی: محبوبہ مفتی

کشمیر فائلز سے دو کمیونٹیز کے درمیان دوریاں مزید بڑھ جائیں گی: محبوبہ مفتی

سری نگر،16 مارچ: پی ڈی پی صدر اور سابق وزیر اعلی محبوبہ مفتی کا الزام ہے جس طرح حکومت ہند کی طرف سے ’کشمیر فائلز‘ نامی فلم کو فروغ دیا جا رہا ہے اس سے دو کمیونٹیز کے درمیان دوریاں مزید بڑھ جائیں گی۔انہوں نے کہا کہ کشمیری پنڈتوں کے دکھ درد کو بطور ہتھیار استعمال کیا جا رہا ہے۔موصوف وزیر اعلیٰ نے ان باتوں کا اظہار بدھ کے روز اپنے ایک ٹویٹ میں کیا۔

انہوں نے کہا: ’جس جارحانہ طریقے سے حکومت ہند کشمیر فائلز کو فروغ دے رہی ہے اور کشمیری پنڈتوں کے درد کو بطور ہتھیار استعمال کر رہی ہے اس سے ان کی ناقص نیت عیاں ہوجاتی ہے‘۔

ان کا ٹویٹ میں مزید کہنا تھا: ’ زخموں پر مرہم لگانے اور دو کمیونٹیز کے درمیان ساز گار ماحول پیدا کرنے کے بجائے دونوں کے درمیان جان بوجھ کر دوریاں بڑھائی جا رہی ہیں۔
بتادیں کہ کشمیر فائلز نامی فلم کشمیری پنڈتوں کی سال 1990 میں کشمیر سے نقل مکانی پر مبنی فلم ہے۔

یو این آئی

Leave a Reply

Your email address will not be published.