ڈاکٹر فاروق عبداللہ سی پی آئی جنرل سکریٹری ڈی راجہ سے ملاقی

جموںوکشمیر کے عوام کے حقوق کی بحالی کیلئے وسیع اتحاد کی ضرورت پر زور

سرینگر/صدرِ جموں وکشمیر نیشنل کانفرنس ڈاکٹر فاروق عبداللہ نے کمیونسٹ پارٹی آف انڈیا کے جنرل سکریٹری اور سابق راجیہ سبھا ممبر شری ڈی راجہ کیساتھ نئی دلی میں ملاقات کی۔دونوں لیڈران نے جموںوکشمیر کی موجودہ صورتحال اور 5اگست2019کے بعدبرپا ہوئے حالات کے بارے میں تبادلہ خیالات کیا۔ تحریری بیان کے مطابق اس کے علاوہ دونوں لیڈران کے درمیان دفعہ370اور 35اے کے ساتھ ساتھ جموں وکشمیر کے ریاستی درجے کی بحالی بھی زیر غور آئے۔

دونوں لیڈران نے اس بات پر زور دیا کہ جموں وکشمیر کی چھینی ہوئی جمہوریت اور لوگوں آئینی حقوق کی بحالی کیلئے اتحاد اور شانہ بہ شانہ چلنے کی ضرورت ہے۔ دونوں لیڈران کا ماننا تھا کہ ملک کے اندر صحیح سوچ رکھنے والے عوام اور سیاسی جماعتیں جموں وکشمیر کے عوام کے حقوق کی بحالی کیلئے ایک آواز میں بات کریں اور جموں وکشمیر کے عوام کی اس جدوجہد میں ان کے ساتھ شانہ بہ شانہ کھڑے رہیں۔

یاد رہے کہ اس سے قبل ڈاکٹر فاروق عبداللہ کانگریس صدر مسز سونیا گاندھی کے علاوہ ملک کے سرکردہ لیڈران سے ملاقی ہوئے ۔