سری نگر/سری نگر کے مضافاتی علاقہ رنگریٹ میں سیکورٹی فورسز اور جنگجوؤں کے درمیان مختصر جھڑپ میں دو عدم شناخت جنگجو مارے گئے جبکہ آپریشن ہنوز جاری ہے۔
ایک پولیس ترجمان نے بتایا: ’رنگریٹ انکاؤنٹر میں دو عدم شناخت جنگجو مارے گئے جبکہ تلاشی آپریشن ابھی جاری ہی ہے‘۔
قبل ازیں پولیس ذرائع نے بتایا کہ جنگجوؤں کے چھپنے کی اطلاع موصول ہونے پر پولیس اور سیکورٹی فورسز نے رنگریٹ میں پیر کی صبح ایک مشتبہ مقام کو محاصرے میں لے لیا۔
ان کا کہنا تھا کہ وہاں چھپے جنگجوؤں کو سرنڈر کرنے کی اپیل کی گئی لیکن انہوں نے اس کے بجائے سیکورٹی فورسز پر فائرنگ شروع کر دی جس کے نتیجے میں طرفین کے درمیان تصادم چھڑ گیا۔
یو این آئی
