پاکستان نے ہندوستان کو 10 وکٹوں سے شکست دی

پاکستان نے ہندوستان کو 10 وکٹوں سے شکست دی

دبئی/ پاکستان نے اپنے اوپنرز کپتان بابر اعظم (ناٹ آؤٹ 68) اور محمد رضوان (ناٹ آؤٹ 79) کی شاندار نصف سنچریوں اور 152 رنوں کی ریکارڈ اوپننگ پارٹنرشپ کی مدد سے آئی سی سی ٹی-20 ورلڈ کپ میں ہندوستان کو اتوار کے روز یکطرفہ انداز میں 10 وکٹوں سے شکست دے کر ورلڈ کپ میں مسلسل پانچ میچوں میں شکست کھانے کا سلسلہ توڑ دیا۔

ہندوستان نے کپتان ویراٹ کوہلی کی 49 گیندوں پر پانچ چوکوں اور ایک چھکے کی مدد سے 57 رن کی شاندار اننگز کی بدولت 20 اوورز میں سات وکٹوں کے نقصان پر 151 رنز کا مشکل اسکور بنایا لیکن پاکستان نے بغیر کوئی وکٹ گنوائے 17.5 اوورز میں 152 رنز کا ہدف حاصل کر لیا۔

اس سے قبل ہندوستان نے ٹی-20 ورلڈ کپ میں پاکستان کے خلاف اپنے تمام پانچ میچ جیتے تھے لیکن ہندوستانی بولرز اس میچ میں ایک بھی پاکستانی وکٹ نہیں لے سکے۔

Leave a Reply

Your email address will not be published.