نئی دہلی ، 22

اکتوبر :ملک بھر میں گذشتہ 24 گھنٹوں کے دوران 61 لاکھ سے زیادہ کووڈ ویکسین دی گئی ہیں اسی کے ساتھ کووڈ ویکس

ینیشن مہم میں ویکسین کی تعداد ایک ارب 59 لاکھ سے تجاوز کر گئی ہے مرکزی وزارت صحت اور خاندانی بہبود نے جمعہ کو یہاں بتایا کہ گذشتہ 24 گھنٹوں میں 61 لاکھ 27 ہزار 277 کووڈ ویکسین دی گئی ہیں۔ آج صبح 7 بجے تک کل ویکسینیشن ایک ارب 59 لاکھ چار ہزار 580 تک پہنچ چکی ہے۔
وزارت کے مطابق گذشتہ 24 گھنٹوں کے دوران کوروناکے 15 ہزار 786 نئے کیسز درج کیے گئے ہیں۔ اس وقت ملک میں ایک لاکھ 75 ہزار 745 کورونا مریضوں کا علاج کیا جا رہا ہے۔
پوزیٹیوٹی ریٹ 0.51 فیصد ہے۔ دریں اثنا 18 ہزار 641 مریضوں کو کورونا سے نجات ملی ہے۔ اب تک تین کروڑ 35 لاکھ 14 ہزار 449 افراد صحت یاب ہو چکے ہیں۔ ریکوری ریٹ 98.16 فیصد ہے۔
وزارت نے کہا کہ گذشتہ 24 گھنٹوں میں مجموعی طور پر 13 لاکھ 24 ہزار 263 ٹیسٹ کیے گئے ہیں۔ ملک میں اب تک مجموعی طور پر 59 کروڑ 70 لاکھ 66 ہزار 481 ٹیسٹ کیے جا چکے ہیں۔
یو این آئی،ایم اے۔