نئی دہلی/داخلہ اور کوآپریٹو کے مرکزی وزیر امت شاہ نے وزیر اعظم مودی کی قیادت میں ملک میں 100کروڑ ویکسینیشن مکمل ہونےکے موقع پر پوری قوم کو مبارکباد دیتے ہوئے انہوں نے اس لمحہ کو تاریخی اور قابل فخر لمحہ قرار دیا ہے شاہ نے ٹویٹ کیا’’تاریخی اور قابل فخر لمحہ! آج ہندوستان نے 100 کروڑ سے زیادہ کورونا ویکسین لگانے کا ہدف حاصل کرکے ایک ریکارڈ بنایا ہے ، نریندر مودی کی وژنری قیادت اور مسلسل حوصلہ افزائی سے جس نے پوری دنیا کو نئے ہندوستان کی بے پناہ صلاحیتوں سے دوبارہ متعارف کرایا ہے۔
داخلہ و کوآپریٹو کے وزیر نے ملک کے تمام سائنسدانوں ، محققین اور صحت کے کارکنوں کا اس کامیابی کے حصول میں ان کے تعاون پر شکریہ ادا کیا۔ انہوں نے کہا کہ اس تاریخی کامیابی پر پوری قوم کو مبارکباد۔ میں ان تمام سائنسدانوں ، محققین اور ہیلتھ ورکرز کا شکریہ ادا کرتا ہوں جنہوں نے بہت سے چیلنجز پر قابو پاتے ہوئے اوراس مہایگیہ میں حصہ ڈالنے کیلئے مودی جی کو مبارکباد پیش کرتا ہوں ، جو ہر شخص کی حفاظت اور صحت کے لیے پرعزم ہیں۔
