سری نگر،23 ستمبر (یو این آئی) جنوبی کشمیر کے قصبہ پانپور کے کنڈی زال علاقے میں دوران شب ایک سڑک حادثے میں ایک ڈرائیور اپنی جان سے ہاتھ دھو بیٹھا۔
سرکاری ذرائع نے بتایا کہ قصبہ پانپور کے کنڈی زال علاقے کے نزدیک ایک کراسنگ پر بدھ اور جمعرات کی درمیانی شب ایک ٹرک اور ایک ٹاٹا موبائل کے درمیان زور دار ٹکر ہوگئی جس کے نتیجے میں ٹا ٹا موبائل کا ڈرائیور شدید زخمی ہوگیا۔
انہوں نے بتایا کہ مذکورہ ڈرائیور کو علاج و معالجے کے لئے فوری طور پر نزدیکی ہسپتال منتقل کیا گیا جہاں ڈاکٹروں نے اس کو مردہ قرار دیا۔
متوفی ڈرائیور کی شناخت ریاض احمد بٹ ساکن لاری یار ترال کے بطور ہوئی ہے۔دریں پولیس نے اس ضمن میں ایک کیس درج کرکے تحقیقات شروع کی ہیں۔
یو این آئی
جنوبی کشمیر کے قصبہ پانپور میں سڑک حادثہ، ڈرائیور از جان added by ایشین میل on
View all posts by ایشین میل →