بس-آٹو کی ٹکر میں 13 افراد ہلاک

گوالیار، 23 مارچ :  مدھیہ پردیش کے ضلع گوالیار کی پرانی چھاؤنی تھانہ حلقے میں آج صبح بس اور آٹو کے درمیان ہوئی زبردست ٹکر میں آٹو سوار سمیت 13 افراد کی موت ہو گئی۔ ہلاک ہونے والوں میں 12 خواتین اور ایک مرد شامل ہے۔
پولیس ذرائع کے مطابق مرینا کی جانب جانے والے آٹو کی ٹکر صبح سامنے سے آنے والی بس سے ہو گئی۔ اس حادثے میں آٹو ڈرائیور سمیت نو افراد کی موقع پر موت ہو گئی جبکہ دیگر خمی خواتین کو قریب کے اسپتال میں داخل کیا گیا تھا جہاں دوران علاج ان کی موت ہو گئی۔ پولیس نے بتایا کہ آٹو میں آنگن باڑی میں کام کرنے والی خواتین سوار تھیں جو اپنے کام پر جا رہی تھیں۔
یو این آئی،