محبوبہ نے ٹویٹر پر اپنے ایک پیغام میں لکھا”حزب اختلاف کی آوازوں کو دبانے کیلئے غیر قانونی حراست حکومت ہند کا محبوب طریقہ بن گیا ہے۔مجھے ایک بار پھر حراست میں رکھا گیا ہے کیونکہ میں بڈگام جاکر اُن سینکڑوں گھرانوں سے ملنا چاہتی تھی جنہیں بے گھر کیا گیا ہے“۔

محبوبہ نے ٹویٹ پیغام کے ساتھ ایک ویڈیو بھی اپلوڈ کی ہے جس میں وہ سیکورٹی اہلکاروں کو دروازہ کھولنے کیلئے سنی اور دیکھی جاسکتی ہیں۔مذکورہ دروازے کو باہر سے بند رکھا گیا ہے۔

قابل ذکر ہے کہ محبوبہ اس سے قبل جنوبی کشمیر کے پہلگام علاقے میں جاکر اُن خانہ بندوش گھرانوں سے ملیں جنہیں جنگل اراضی پر تجاوزات کھڑا کرنے کی پاداش بے گھر کیا گیا تھا۔